ShQO Bilim basqarmasynyń málimetine súıensek, 2022 jyly 8859 oqýshy mektep bitiredi. Onyń ishinde 7510 túlek, ıaǵnı 84 paıyzy ulttyq biryńǵaı testileýge qatyspaq.
«Balalar testileýge qatysý úshin testcenter.kz saıtynda ótinim berdi. Oblysta О́skemen, Semeı qalalarynda jáne Katonqaraǵaı aýdany Úlken Naryn aýylynda UBT ótkiziletin úsh pýnkt bar. Testileý 16 mamyrda bastalyp, 5 shildege deıin jalǵasady», deıdi basqarma basshysy Saırangúl Jumadilova.
Túlekter úsh mindetti jáne eki beıindi pán boıynsha suraqtarǵa jaýap beredi. Jalpy testileýde 120 tapsyrma bolady. Túlek eń kóbi 140 ball jınaı alady.
«Bıyl memlekettik grantqa úmitkerlerge UBT-ny eki ret tapsyrýǵa múmkindik berilip otyr. Al oqýǵa túsken kezde eń joǵary ball jınaǵan sertıfıkatty kórsetedi. Bıyl oblystyq bıýdjetten 450 grant bólinip otyr. Onyń 60 paıyzy tehnıkalyq mamandyqtaǵa bolsa, qalǵany medısına, bilim, veterınarııa syndy salalarǵa», dedi Saırangúl Jumadilova.
Aıana Toǵanbek
