Reseıdegi jańa alyp munaı ken orny
Reseıde jańa asa iri munaı ken orny ashyldy. Bul týraly Tabıǵı resýrstar mınıstri Sergeı Donskoı jarııa etti. «Velıkoe» degen ataý alǵan ken orny Astrahan oblysynda ornalasqan. Bul jerdegi munaı qory 300 mıllıon tonna munaı jáne 90 mıllıard tekshe metr gaz delinip otyr.
Osyndaı asa iri munaı ken orny sońǵy jyldary alǵash ret tabylǵan. Donskoıdyń sózine qaraǵanda, 2006 jyly Kaspıı qaırańynda «LýkOıl» geologtary 150 mıllıon tonna munaı qory bar ken ornyn tapqan eken. «Velıkoeni» ıgerýmen buǵan deıin de Astrahan óńirinde jumys istep jatqan AFB munaı kompanııasy aınalysatyn sııaqty. Bul kompanııa osydan eki jyl buryn kórshi Tambov teliminde 140 mıllıon tonna munaı kózin ashqan edi.
Parom apatynan joǵalǵandar kóp
Keshe bortynda 474 adamy bar jolaýshylar kemesi Ońtústik Koreıa jaǵalaýlarynda apatqa ushyrady. «Reıter» agenttiginiń aqparatyna qaraǵanda, jolaýshylardyń 320-sy Chechjý aralyna ekskýrsııaǵa bara jatqan mektep oqýshylary bolyp tabylady.
Qutqarý operasııalary Ońtústik Koreıa jaǵalaý kúzeti kemeleriniń jáne tikushaqtarynyń kómegimen júrgizilgen. Ázirshe, eki adamnyń qazaǵa ushyraǵany anyqtalyp otyr. 368 jolaýshy qutqarylǵan. Al 104 jolaýshyny izdestirý sharalary jalǵastyrylyp jatyr. Qutqarý operasııasy kezinde parom tolyqtaı sý astyna ketip úlgergen. Endi joǵalǵandardan kúder úzgen de jón sekildi. Qaıǵyly oqıǵa jaǵalaýdan shamamen 100 shaqyrym qashyqtyqta oryn alǵan. Parom Inchhon portynan shyǵyp, Chechjý aralyn betke alǵan bolatyn.
Alıans shyǵys shebin kúsheıte túsedi
NATO Shyǵys Eýropadaǵy odaqtastary qorǵanysyn odan ári kúsheıtý qadamdaryn qarastyrmaq. Bul jóninde keshe ITAR-TASS habarlady. Atalǵan máseleni jýrnalıster suraǵyna jaýap bere otyryp, Soltústik alıanstyń bas hatshysy Anders Fog Rasmýssen málim etipti.
Sóıtip, Shyǵys Eýropada NATO-nyń jańa turaqty bazalary ornalastyrylatyny yqtımal bolyp otyr. «Bul sharalar úsh baǵyt: qorǵanys josparlaryn nyǵaıtý, oqý-jattyǵýlar aýqymyn keńeıtý jáne qarýly kúshterdi tıimdi ornalastyrý baǵyttary boıynsha júrgiziletin bolady. Men NATO men Eýroodaq jáne basqa da jaqyn áriptesterimizdi yntymaqtastyqty bekite túsýge shaqyramyn. Bizge oqý-jattyǵýlardy kóbirek ótkizý qajet», dep málimdegen baspasóz máslıhatynda Rasmýssen.
Barlaý basshysy qyzmetinen qýyldy
Saýd Arabııasy barlaý qyzmetiniń basshysy Bandar bın Sultan otstavkaǵa jiberildi. El astanasy – Er-Rııadtaǵy Sırııa saıasatyna jaýapty adam, sóıtip, koroldiń jarlyǵymen qyzmetinen bosady. Endi Sultannyń mindetin onyń orynbasary Iýsef ál-Idrısı ózine alatyn boldy.
Saýd Arabııasynyń AQSh-taǵy burynǵy elshisi Bandar bın Sultan Koroldiktiń barlaý qyzmetin 2012 jyldyń shildesinde qolyna alǵan edi. Sırııa janjaly bastalysymen onyń aldyna prezıdent Bashar Asadtyń rejimine qarsy kúrestegi búlikshilerge yqpal etý mindeti qoıylǵan eken. Ústimizdegi jyldyń 14 aqpanynda Bandar bın Sultan Sırııaǵa baılanysty máseleler boıynsha sheshim qabyldaýdan alastatylǵan edi. Osyǵan qaraǵanda, burynǵy barlaý qyzmetiniń basshysy ózine júktelgen mindet údesinen shyǵa almaǵan sekildi.
Vıza alǵyń kelse, orys tilin bil
Reseıdiń Federasııa keńesinde sheteldikterdi orys tilin, tarıhy men Reseı zańnamalarynyń negizin biletinin naqtylaýdy mindetteıtin zań jobasy maquldandy. Bul sheteldikterge jumys vızasyn nemese ýaqytsha turýǵa ruqsat alý úshin qajet bolatyn kórinedi.
Osylaısha, «Reseı Federasııasyndaǵy shetel azamattarynyń quqyqtyq jaǵdaılary týraly» zańǵa ózgerister engizildi. Al shetel azamattarynyń bilim týraly sertıfıkaty joǵaryda atalǵandardy olardyń biletinin qýattaıtyn qujat bolyp tabylmaq. Ony berýmen Reseı aýmaǵyndaǵy nemese odan tysqary jerlerdegi orys tilinen, tarıhynan jáne zańnamalar negizinen emtıhan ótkizetin bilim berý uıymdary aınalysatyn bolady. Sertıfıkattyń kúshinde bolý merzimi 5 jyl dep belgilenipti. Bul merzim aıaqtalǵan soń qujatty qaıtadan alý qajettigi týyndaıdy.
Keńes tankterin kózge súıel kóredi
Nemistiń buqaralyq aqparat quraldary Ekinshi dúnıejúzilik soǵys kezinde qaza tapqan jaýyngerler úshin turǵyzylǵan Tırgartendegi memorıaldyq keshennen keńestik T-34 tankterin alyp tastaýǵa shaqyrdy. Keshe Býndestagqa osyndaı úndeýmen Bild Berliner jáne Zeitung gazetteri qaıyryldy.
«Biz Brandenbýrg qaqpasyndaǵy memorıalda birde-bir orys tankiniń turǵanyn qalamaımyz», delingen úndeýde. Gazetter, sondaı-aq, oqyrmandaryn Býndestagqa poshtamen nemese fakspen úndeýler joldaýǵa shaqyrady. Al petısııanyń ózi Býndestagqa 14 sáýir, dúısenbi kúni-aq jiberip qoıylypty. Endi úndeýdi qaraýǵa eki apta kerek kórinedi. Eger qol qoıǵandar sany 50 myń adamnan asatyn bolsa, petısııany talqylaý avtomatty túrde ótetin bolady eken. Qol qoıǵandardyń naqty sany ázirshe belgisiz. Al qaza tapqan keńes áskerlerine memorıal 1945 jyly ornatylǵan bolatyn.
Qysqa qaıyryp aıtqanda:
Reseı Memlekettik dýmasy komıteti tóraǵasynyń birinshi orynbasary, edınorostyq depýtat Mıhaıl Markelov óz áriptesterine ulttyq múddege satqyndyq jasaǵan depýtattardy mandatynan aıyrý tetigin oılastyrýdy usyndy. Onyń pikirinshe, qazirgi kezde Dýmada depýtattardy satqyndyǵy úshin mandatynan aıyrýdyń quqyqtyq tetigi joq.
Ulybrıtanııanyń astanasy – London qalasyndaǵy shashtarazdyń menedjeri óz mekemesin jarnamalaý úshin Soltústik Koreıa serkesi Kım Chen Ynnyń obrazyn paıdalanýǵa sheshim qabyldaǵan.Sóıtip, shashtarazynyń qabyrǵasyna Kım Chen Yn beınelengen posterdi ornalastyrǵan. Birneshe kún ótken soń onyń mekemesine KHDR elshiliginen ókilder kelip, renishterin bildiripti.
Tájikstan prezıdentiniń qyzy Ozoda Rahmonova ákesi sekildi tegindegi orystyń «ov» sýffıksin alyp tastaǵan. Endi onyń tolyqtaı aty-jóni Rahmon Ozoda Emomalı bolyp tabylady. Prezıdenttiń ózi tegin 2007 jyly ózgertken bolatyn. Bul sheshimin Emomalı Rahmon mádenı tamyryna oralýǵa sheshim qabyldaǵanymen túsindirgen edi.
Internet materıaldary negizinde ázirlendi.
Keshe bortynda 474 adamy bar jolaýshylar kemesi Ońtústik Koreıa jaǵalaýlarynda apatqa ushyrady. «Reıter» agenttiginiń aqparatyna qaraǵanda, jolaýshylardyń 320-sy Chechjý aralyna ekskýrsııaǵa bara jatqan mektep oqýshylary bolyp tabylady.
Qutqarý operasııalary Ońtústik Koreıa jaǵalaý kúzeti kemeleriniń jáne tikushaqtarynyń kómegimen júrgizilgen. Ázirshe, eki adamnyń qazaǵa ushyraǵany anyqtalyp otyr. 368 jolaýshy qutqarylǵan. Al 104 jolaýshyny izdestirý sharalary jalǵastyrylyp jatyr. Qutqarý operasııasy kezinde parom tolyqtaı sý astyna ketip úlgergen. Endi joǵalǵandardan kúder úzgen de jón sekildi. Qaıǵyly oqıǵa jaǵalaýdan shamamen 100 shaqyrym qashyqtyqta oryn alǵan. Parom Inchhon portynan shyǵyp, Chechjý aralyn betke alǵan bolatyn.
Alıans shyǵys shebin kúsheıte túsedi
NATO Shyǵys Eýropadaǵy odaqtastary qorǵanysyn odan ári kúsheıtý qadamdaryn qarastyrmaq. Bul jóninde keshe ITAR-TASS habarlady. Atalǵan máseleni jýrnalıster suraǵyna jaýap bere otyryp, Soltústik alıanstyń bas hatshysy Anders Fog Rasmýssen málim etipti.
Sóıtip, Shyǵys Eýropada NATO-nyń jańa turaqty bazalary ornalastyrylatyny yqtımal bolyp otyr. «Bul sharalar úsh baǵyt: qorǵanys josparlaryn nyǵaıtý, oqý-jattyǵýlar aýqymyn keńeıtý jáne qarýly kúshterdi tıimdi ornalastyrý baǵyttary boıynsha júrgiziletin bolady. Men NATO men Eýroodaq jáne basqa da jaqyn áriptesterimizdi yntymaqtastyqty bekite túsýge shaqyramyn. Bizge oqý-jattyǵýlardy kóbirek ótkizý qajet», dep málimdegen baspasóz máslıhatynda Rasmýssen.
Barlaý basshysy qyzmetinen qýyldy
Saýd Arabııasy barlaý qyzmetiniń basshysy Bandar bın Sultan otstavkaǵa jiberildi. El astanasy – Er-Rııadtaǵy Sırııa saıasatyna jaýapty adam, sóıtip, koroldiń jarlyǵymen qyzmetinen bosady. Endi Sultannyń mindetin onyń orynbasary Iýsef ál-Idrısı ózine alatyn boldy.
Saýd Arabııasynyń AQSh-taǵy burynǵy elshisi Bandar bın Sultan Koroldiktiń barlaý qyzmetin 2012 jyldyń shildesinde qolyna alǵan edi. Sırııa janjaly bastalysymen onyń aldyna prezıdent Bashar Asadtyń rejimine qarsy kúrestegi búlikshilerge yqpal etý mindeti qoıylǵan eken. Ústimizdegi jyldyń 14 aqpanynda Bandar bın Sultan Sırııaǵa baılanysty máseleler boıynsha sheshim qabyldaýdan alastatylǵan edi. Osyǵan qaraǵanda, burynǵy barlaý qyzmetiniń basshysy ózine júktelgen mindet údesinen shyǵa almaǵan sekildi.
Vıza alǵyń kelse, orys tilin bil
Reseıdiń Federasııa keńesinde sheteldikterdi orys tilin, tarıhy men Reseı zańnamalarynyń negizin biletinin naqtylaýdy mindetteıtin zań jobasy maquldandy. Bul sheteldikterge jumys vızasyn nemese ýaqytsha turýǵa ruqsat alý úshin qajet bolatyn kórinedi.
Osylaısha, «Reseı Federasııasyndaǵy shetel azamattarynyń quqyqtyq jaǵdaılary týraly» zańǵa ózgerister engizildi. Al shetel azamattarynyń bilim týraly sertıfıkaty joǵaryda atalǵandardy olardyń biletinin qýattaıtyn qujat bolyp tabylmaq. Ony berýmen Reseı aýmaǵyndaǵy nemese odan tysqary jerlerdegi orys tilinen, tarıhynan jáne zańnamalar negizinen emtıhan ótkizetin bilim berý uıymdary aınalysatyn bolady. Sertıfıkattyń kúshinde bolý merzimi 5 jyl dep belgilenipti. Bul merzim aıaqtalǵan soń qujatty qaıtadan alý qajettigi týyndaıdy.
Keńes tankterin kózge súıel kóredi
Nemistiń buqaralyq aqparat quraldary Ekinshi dúnıejúzilik soǵys kezinde qaza tapqan jaýyngerler úshin turǵyzylǵan Tırgartendegi memorıaldyq keshennen keńestik T-34 tankterin alyp tastaýǵa shaqyrdy. Keshe Býndestagqa osyndaı úndeýmen Bild Berliner jáne Zeitung gazetteri qaıyryldy.
«Biz Brandenbýrg qaqpasyndaǵy memorıalda birde-bir orys tankiniń turǵanyn qalamaımyz», delingen úndeýde. Gazetter, sondaı-aq, oqyrmandaryn Býndestagqa poshtamen nemese fakspen úndeýler joldaýǵa shaqyrady. Al petısııanyń ózi Býndestagqa 14 sáýir, dúısenbi kúni-aq jiberip qoıylypty. Endi úndeýdi qaraýǵa eki apta kerek kórinedi. Eger qol qoıǵandar sany 50 myń adamnan asatyn bolsa, petısııany talqylaý avtomatty túrde ótetin bolady eken. Qol qoıǵandardyń naqty sany ázirshe belgisiz. Al qaza tapqan keńes áskerlerine memorıal 1945 jyly ornatylǵan bolatyn.
Qysqa qaıyryp aıtqanda:
Reseı Memlekettik dýmasy komıteti tóraǵasynyń birinshi orynbasary, edınorostyq depýtat Mıhaıl Markelov óz áriptesterine ulttyq múddege satqyndyq jasaǵan depýtattardy mandatynan aıyrý tetigin oılastyrýdy usyndy. Onyń pikirinshe, qazirgi kezde Dýmada depýtattardy satqyndyǵy úshin mandatynan aıyrýdyń quqyqtyq tetigi joq.
Ulybrıtanııanyń astanasy – London qalasyndaǵy shashtarazdyń menedjeri óz mekemesin jarnamalaý úshin Soltústik Koreıa serkesi Kım Chen Ynnyń obrazyn paıdalanýǵa sheshim qabyldaǵan.Sóıtip, shashtarazynyń qabyrǵasyna Kım Chen Yn beınelengen posterdi ornalastyrǵan. Birneshe kún ótken soń onyń mekemesine KHDR elshiliginen ókilder kelip, renishterin bildiripti.
Tájikstan prezıdentiniń qyzy Ozoda Rahmonova ákesi sekildi tegindegi orystyń «ov» sýffıksin alyp tastaǵan. Endi onyń tolyqtaı aty-jóni Rahmon Ozoda Emomalı bolyp tabylady. Prezıdenttiń ózi tegin 2007 jyly ózgertken bolatyn. Bul sheshimin Emomalı Rahmon mádenı tamyryna oralýǵa sheshim qabyldaǵanymen túsindirgen edi.
Internet materıaldary negizinde ázirlendi.
