Ilııas Omarov atyndaǵy Qostanaı oblystyq qazaq drama teatrynyń ujymy Astanaǵa gastroldik saparynda Qazyǵuldyń «Mirjaqyp» tragedııasyn sahnalady.
«Mirjaqyp» osyǵan deıin elordadaǵy Q.Qýanyshbaev atyndaǵy qazaq drama teatrynda bir ret qoıylǵan bolatyn. Spektakldiń qoıýshy rejısseri, Qazaqstannyń halyq ártisi Ersaıyn Tóleýbaı úsh jyldan soń elordalyq kórermenderdi azattyqtyń aq tańy úshin aıqasqan azamattyń sahnalyq beınesimen qaıta qaýyshtyrdy.
«Kózińdi ash, oıan qazaq, kóter basty, О́tkizbeı qarańǵyda beker jasty» nemese «Alystan Alash dese, attanamyn. Qazaqty qazaq dese, maqtanamyn, Bolǵan soń ákem – qazaq, sheshem – qazaq, Men nege qazaqtyqtan jasqanamyn», dep jalyndy jyrlar jazǵan Mirjaqyp Dýlatovtyń aqyn, qazaqtyń tuńǵysh romany «Baqytsyz Jamaldy» jazǵan jazýshy, kósemsóz sheberi jáne eń negizgisi, Alash qozǵalysynyń kórnekti qaıratkerleriniń biri ekeni qazaq balasynyń qaperinde bolǵanda, onyń sahnalyq beınesin jasaý teatrǵa qanshalyqty jaýapkershilik júkteıtini aıtpasa da túsinikti. Tragedııany tamashalaý barysynda rejısserdiń birtýar azamat Mirjaqypty sahnalaýynda izdenis bar ekeni ańǵaryldy. El-jurtynyń taǵdyry úshin basyn báıgege tikken, jany kúızelgen, eshteńege de samarqaý qaraı almaıtyn, birese aqyndyq minezben alaburtyp jyr oqyp, birese úlken tulǵanyń kóregen sanasymen kósem sóz tógiltken Mirjaqyptyń (Qazaqstannyń eńbek sińirgen qaıratkeri Qonysbek Begaıdarov) jandy beınesine kórermen qol soqty.
F.I.Goloshekınniń bılikke kelýi qazaq zııalylarynyń basyna qara bult úıirgenin nanymdy jetkizgen tragedııadaǵy taǵy bir beıne – Ahmet Baıtursynov (Qabdol-Májıt Imanov). Múmkin basty tulǵa Baıtursynov bolmaǵan soń ba, onyń beınesi solǵyndaý shyqqan. Ahańnyń sahnadaǵy áriptesterimen qarym-qatynasynda birtúrli kitabı sózder basym. Qaıta tulǵalardyń áıelderi Badrısafa (Gúlmıra Ýálıeva) men Ǵaınıjamal (Ajar Shákirjanova) beıneleri óz basymyzǵa unady. Jalpy, spektaklde basy artyq keıipker joq. OGPÝ-diń qyzmetkerlerin eseptemegende jeti adam óz rólderin shashaý shyǵarmaı, kórermendi qojyratyp almaı oınap shyqty deýge bolady. Ásirese, aty atalmaıtyn satqyn Jańǵaıyptyń (Nurlybek Kenjeahmet) beıpilaýyz jansyzynyń (Aqdámen Dosanova) «Nadan bolsaq ta adambyz...» dep ómirlik kózqarasyn kórsetetin tustary sátti beınelengen. Bizdińshe, taǵy bir sátti beıne – Goloshekın (Berikqan Tókenov). Jańǵaıyptyń «Qudaı joq» dep jaǵympazdanatyn sátinde «Qudaı bar. Biraq, sol Qudaıdyń kózin joıatyn bizbiz», dep jaýap qatýy onyń sahnadaǵy beınesin aıshyqtap turǵandaı.
Jalpy, «Mirjaqyp» tragedııasy arqyly rejısserdiń zobalań jyldardaǵy Alash qaıratkerleriniń taǵdyryn, ult tragedııasyn kórsetýge talpynysyn elorda kórermenderi jyly qabyldady. Ilııas Omarov atyndaǵy Qostanaı oblystyq qazaq drama teatrynyń elordadaǵy gastroldik sapary ótip jatqanyn osynyń aldynda jazylǵan maqalada aıtqan bolatynbyz.
Keshe teatr ujymy kórermenderge «Márııam-Ilııas» atty dramany usyndy. Onda kórermen aqyn Márııam Hakimjanovanyń beınesimen Qazaqstannyń eńbek sińirgen ártisi Shaharbaný Esenǵulovanyń somdaýynda júzdesti. Sondaı-aq, belgili qoǵam qaıratkeri Ilııas Omarov jáne qazaqtyń zııaly qyzdarynyń kóshin bastaǵan Alma Orazbaeva, Zııash Qalaýovanyń sahnalyq beınelerin tamashalady.
Aıgúl SEIILOVA,
«Egemen Qazaqstan».
––––––––––––––––
Sýretti túsirgen
Erlan OMAROV.
«Mirjaqyp» osyǵan deıin elordadaǵy Q.Qýanyshbaev atyndaǵy qazaq drama teatrynda bir ret qoıylǵan bolatyn. Spektakldiń qoıýshy rejısseri, Qazaqstannyń halyq ártisi Ersaıyn Tóleýbaı úsh jyldan soń elordalyq kórermenderdi azattyqtyń aq tańy úshin aıqasqan azamattyń sahnalyq beınesimen qaıta qaýyshtyrdy.
«Kózińdi ash, oıan qazaq, kóter basty, О́tkizbeı qarańǵyda beker jasty» nemese «Alystan Alash dese, attanamyn. Qazaqty qazaq dese, maqtanamyn, Bolǵan soń ákem – qazaq, sheshem – qazaq, Men nege qazaqtyqtan jasqanamyn», dep jalyndy jyrlar jazǵan Mirjaqyp Dýlatovtyń aqyn, qazaqtyń tuńǵysh romany «Baqytsyz Jamaldy» jazǵan jazýshy, kósemsóz sheberi jáne eń negizgisi, Alash qozǵalysynyń kórnekti qaıratkerleriniń biri ekeni qazaq balasynyń qaperinde bolǵanda, onyń sahnalyq beınesin jasaý teatrǵa qanshalyqty jaýapkershilik júkteıtini aıtpasa da túsinikti. Tragedııany tamashalaý barysynda rejısserdiń birtýar azamat Mirjaqypty sahnalaýynda izdenis bar ekeni ańǵaryldy. El-jurtynyń taǵdyry úshin basyn báıgege tikken, jany kúızelgen, eshteńege de samarqaý qaraı almaıtyn, birese aqyndyq minezben alaburtyp jyr oqyp, birese úlken tulǵanyń kóregen sanasymen kósem sóz tógiltken Mirjaqyptyń (Qazaqstannyń eńbek sińirgen qaıratkeri Qonysbek Begaıdarov) jandy beınesine kórermen qol soqty.
F.I.Goloshekınniń bılikke kelýi qazaq zııalylarynyń basyna qara bult úıirgenin nanymdy jetkizgen tragedııadaǵy taǵy bir beıne – Ahmet Baıtursynov (Qabdol-Májıt Imanov). Múmkin basty tulǵa Baıtursynov bolmaǵan soń ba, onyń beınesi solǵyndaý shyqqan. Ahańnyń sahnadaǵy áriptesterimen qarym-qatynasynda birtúrli kitabı sózder basym. Qaıta tulǵalardyń áıelderi Badrısafa (Gúlmıra Ýálıeva) men Ǵaınıjamal (Ajar Shákirjanova) beıneleri óz basymyzǵa unady. Jalpy, spektaklde basy artyq keıipker joq. OGPÝ-diń qyzmetkerlerin eseptemegende jeti adam óz rólderin shashaý shyǵarmaı, kórermendi qojyratyp almaı oınap shyqty deýge bolady. Ásirese, aty atalmaıtyn satqyn Jańǵaıyptyń (Nurlybek Kenjeahmet) beıpilaýyz jansyzynyń (Aqdámen Dosanova) «Nadan bolsaq ta adambyz...» dep ómirlik kózqarasyn kórsetetin tustary sátti beınelengen. Bizdińshe, taǵy bir sátti beıne – Goloshekın (Berikqan Tókenov). Jańǵaıyptyń «Qudaı joq» dep jaǵympazdanatyn sátinde «Qudaı bar. Biraq, sol Qudaıdyń kózin joıatyn bizbiz», dep jaýap qatýy onyń sahnadaǵy beınesin aıshyqtap turǵandaı.
Jalpy, «Mirjaqyp» tragedııasy arqyly rejısserdiń zobalań jyldardaǵy Alash qaıratkerleriniń taǵdyryn, ult tragedııasyn kórsetýge talpynysyn elorda kórermenderi jyly qabyldady. Ilııas Omarov atyndaǵy Qostanaı oblystyq qazaq drama teatrynyń elordadaǵy gastroldik sapary ótip jatqanyn osynyń aldynda jazylǵan maqalada aıtqan bolatynbyz.
Keshe teatr ujymy kórermenderge «Márııam-Ilııas» atty dramany usyndy. Onda kórermen aqyn Márııam Hakimjanovanyń beınesimen Qazaqstannyń eńbek sińirgen ártisi Shaharbaný Esenǵulovanyń somdaýynda júzdesti. Sondaı-aq, belgili qoǵam qaıratkeri Ilııas Omarov jáne qazaqtyń zııaly qyzdarynyń kóshin bastaǵan Alma Orazbaeva, Zııash Qalaýovanyń sahnalyq beınelerin tamashalady.
Aıgúl SEIILOVA,
«Egemen Qazaqstan».
––––––––––––––––
Sýretti túsirgen
Erlan OMAROV.
