Basty maqsat – qoǵam dertinen arylý

Elordalyq Qazynashylyq de­partamenti kirister men shy­ǵys­tar boıynsha bıýdjetti kas­sa­lyq at­qarý jumystaryn iske asyra otyryp, bıýdjet qural­daryn maqsatty paıdalaný úshin aqsha aǵynynyń qozǵalysyn ońtaı­landyrady, bıýd­jettik quraldardy úılestirýdi já­ne olardy tıimdi paıdalanýdy qam­tamasyz etedi, bıýdjettik zań­na­many ázirleýge qatysady jáne onyń oryndalýyn baqylaıdy.

Memlekettik qazynashylyq – mem­­lekettik bıýdjet saıasaty­nyń jáne bıýdjet salasyndaǵy re­formalar kesheniniń negizgi bó­ligi. Bul sala qarjy resýrstaryn zańǵa sáıkes úzdiksiz, quzyrly basqarýdy qamtamasyz etedi. Sol sebepti qazynashylyq júıeniń fýnksıonaldyq qyzmeti únemi je­tildirilip, qazynashylyq tehnologııalardy standarttaý jáne ońtaılandyrý sharalary turaqty júrgizilip turady.

Qazynashylyq júıesi qyzme­tiniń negizgi máni – memlekettik mekemelerdiń qashyqtan bıýdjetti atqarý jáne osyǵan qatysty qan­daı da bir operasııalardy ótkizý boıynsha esepterdi jasaýynda. Bul qyzmet avtomattandyryl­ǵan rejimde júrgiziledi, ıaǵnı qa­zy­nashylyq júıeni paıdala­ný­­shydan qujattardy qabyldaý-tap­­syrý, toltyrý jáne baqy­laý mem­lekettik organ qyzmetker­leri­niń qatysýynsyz júrgiziledi. Sonymen qatar qazynashylyq qyz­­metkerleri arasynda óń­del­­­gen qujattardy taratý da avto­­mat­­­tandyrylǵan. Bul bir ja­ǵy­­nan qujattardy óń­deý pro­sesin jedeldetse, ekin­shi ja­ǵy­nan jemqorlyqty bol­dyr­maýǵa septigin tıgizedi. Son­dyq­tan Qazynashylyqtyń avtomattan­dy­rylǵan aqparattyq júıesi únemi jetildirilip keledi.

«Jemqorlyq qoǵam ómirinde, ásirese moraldyq-etıkalyq ahýalǵa jaǵymsyz áser etetindikten ony barynsha qabyldaýǵa kelmeıtin jaǵdaılar týdyrý qajet» degen keleli mindetterdi eskere kele, sy­baılas jemqorlyqqa qarsy kú­res basty basymdyq retinde Qa­zy­nashylyq departamentiniń ju­mysynda erekshe kórinis tabý­da. Sonyń bir dáleli retinde mem­lekettik mekemelerdegi qar­jy-
lyq qujattarǵa adamı faktordy barynsha aralastyrmaýǵa múm­kindik beretin elektrondy quja­taı­na­lym – «Qazynashylyq-klıent» aq­parattyq júıesin atap ótý­ge bo­lady.

Nur-Sultan qalasy boıynsha Qazynashylyq departamentinde sybaılas jemqorlyqqa qarsy kúres jumystary júıeli túrde júrgiziledi. Atap aıtqanda, quqyq buzýshylyqtardy boldyrmaý maqsatynda memlekettik qyzmet jáne jemqorlyqqa qarsy is-áreket týraly zańnamalardy túsindirý, sybaılas jemqorlyqtyń aldyn alý is-sharalary taqyrybynda dárister men semınarlar ótki­ziledi. Atalǵan is-sharalar – jalpy atqarylǵan jumystyń azǵantaı bóligi ǵana.

Jyl saıyn qazynashylyq or­gan­­dary arqyly qarjylyq qu­jat­­tardyń orasan zor aǵyny, ıaǵnı naqtyly aqshalaı qarajattyń «kóshkini» ótetindigin eskersek, bıýd­jettiń nysanaly ári tıimdi qol­danylýyn baqylaýdy basty nazarda ustaý, el qarajatyn shashaý shyǵarmaý qazynashylyq qyz­metkerlerdiń el ekonomıkasyna qosqan súbeli úlesi dep bilemiz.

Eldiń damýy árbir azamat­tyń qajyrly eńbegine, otansúı­gish­tigine kóp baılanysty. Otany­nyń órkendeýi úshin qazyna­shy­larymyz da baryn salyp, adal eńbek etip keledi. Olar – halyq múddesi úshin qyzmet etetin, el bolashaǵyn bárinen bıik qoıatyn bilikti de kásibı mamandar. Árip­tes­terimizdiń Qazaqstannyń gúl­denip kórkeıýi úshin qaltqysyz eńbek etip, áli talaı shyńdar men mejelerden kórinetini sózsiz.

Elordalyq Qazynashylyq de­partamenti jemqorlyqtyń aldyn alý men onyń kórinisterimen kúresýge, sybaılas jemqorlyqqa qarsy tártipti kúsheıtýge jáne óz qyzmetinde tártipti nyǵaıtý jolynda áli talaı jumys atqara­tynyna senemiz.

Baǵdat QALIJANOV,

Qarjy mınıstrligi Qazynashylyq komıteti Nur-Sultan qalasy boıynsha Qazynashylyq departamentiniń basshysy