Qyrǵyzstannyń Kólik jáne kommýnıkasııa mınıstrliginiń baspasóz qyzmetiniń aqparatyna sáıkes, Qyrǵyzstan asýlarynda qar jaýyp jatyr, jol taıǵaq. Vedomstvo ókilderi avtokólik júrgizýshilerine Bishkek-Osh-Too-Ashýý, Ala-Bel, Kók-Bel, sondaı-aq Talas-Taraz-Sýýsamyr jáne basqa avtojoldardyń ýchaskelerinde qar jaýyp jatqanyn eskertti.
«Bishkek-Osh-Too-Ashýý, Ala-Bel, Kók-Bel, sondaı-aq Otmok avtojoldarynyń bıik asýdan ótetin tustarynda, Talas-Taraz-Sýýsamyr jáne basqa da tasjoldarda qar jaýyp jatyr, tıisinshe qar úıindisi paıda boldy», delingen habarlamada.
Kólik mınıstrliginiń jol paıdalaný mekemesi qyzmetkerleri joldardyń joǵaryda atalǵan ýchaskelerine taıyp ketýden qorǵaıtyn ınertti materıaldardy seýip jatyr.
«Qalyptasqan jaǵdaıdy eskere otyryp, jasandy keptelis týdyrmas úshin júrgizýshilerge qysqy dóńgelegi bar kóliktermen asýlarǵa shyqpaýǵa keńes beremiz. Sondaı-aq jol-kólik oqıǵalarynyń aldyn alý maqsatynda avtojoldardaǵy tıisti jyldamdyq rejımin saqtaý qajet», dep atap ótti vedomstvo.
Sondaı-aq 21-22 mamyrda О́zbekstanda túndegi aýa temperatýrasynyń tómendeýine baılanysty Qashqadarııa men Jyzzaq oblystarynyń birqatar taýly aımaqtarynda qar jaýdy. Atap aıtqanda, Qashqadarııa oblysynyń Dehkanabad jáne Kıtab aýdandarynyń taýlary men Djızah oblysynyń Zaamın aýdanynda qar jaýǵan.
