895 jaıaý baǵyttaǵy patrýldik polısııa polkiniń qyzmet ınspektory Anarov jáne Tóle bı kósheleriniń qıylysynda qyzmet atqarý barysynda jergilikti turǵyn kómek suraıdy.
Aıtýynsha, sol mańdaǵy Qapal batyr kóshesindegi kópirden er adam óz-ózine qol jumsamaq bolyp, kópirdiń jaqtaýynda sekirgeli turǵanyn kórgen. Atalǵan jaıt kúndizgi ýaqytta bolǵan. Bul jaǵdaıǵa beı-jaı qaramaǵan tártip saqshysy der kezinde oqıǵa ornyna jetken.
Er adamnyń kópir jaqtaýyna shyǵyp, sekirýge oqtalǵanyn kóredi. Ony sózge tarta otyryp, jedel áreket etip, janyna jaqyndap qaýipsiz jerge shyǵarady. Osy oqıǵa polıseıdiń beınejetonyna jazylǵan. Sondaı-aq Jedel basqarý ortalyǵynyń beınebaqylaý kameralarynda azamat aldymen jolda júrip jatqan kólikterdiń astyna túspekshi bolǵany belgili boldy.
«Kúndelikti jumysqa kelgende birinshi oıym - qoǵam tynyshtyǵyn saqtap, adamdardyń qaýipsizdigin qamtamasyz etý. Qyzmet barysynda mende mundaı jaǵdaı birinshi ret oryn alyp otyr. Menen kómek suraǵanda, birden ol adam men jetkenshe jaman qadamǵa barmaı, ómirin qutqaryp qalsam eken degen nıet boldy. Allaǵa shúkir, azamatty qutqaryp úlgerdik, ol din aman», dedi polıseı Janbolat Tastahov.
О́mirimen qosh aıtyspaq bolǵan azamattan mán-jaıdy anyqtaý úshin Eńbekshi aýdany Polısııa basqarmasyna jetkizilip, úıine qaıtaryldy. Polısııa qyzmetkerleri jedel áreketteriniń arqasynda turǵynnyń ómirin qutqaryp qaldy.
