«Búgin biz medısınalyq poıyzdardy iske qosamyz. Qazaqstannyń barlyq oblystaryndaǵy 147 stansııany qamtýdy josparlap otyrmyz. Shalǵaı stansııalardyń turǵyndary tegin medısınalyq kómek ala alady», delingen «QTJ» UK» AQ janyndaǵy áleýmettik jobalar qorynyń dırektory Erbol Keńgerbaev.
Medısınalyq brıgadalardyń quramynda 30-dan astam beıindi mamandar jumys isteıdi. Shalǵaı eldi mekenderdiń turǵyndary beıindi mamandar – hırýrg, gınekolog, okýlıst, stomatologtardan keńes ala alady.
«Járdem» jáne «Salamatty Qazaqstan» medısınalyq poıyzdary segiz mamandandyrylǵan vagonnan turady.
«Meıramhana vagony, dızel-generatorlyq qondyrǵysy bar vagon qarastyrylǵan. Tótenshe jaǵdaı kezinde mundaı qondyrǵy shaǵyn eldi mekendi elektr qýatymen qamtamasyz etedi. Tórt vagon medısınalyq kómek kórsetý úshin jabdyqtalǵan. Dárigerlerdiń turýyna arnalǵan eki vagon. Vagondar kondısıonerlermen, tońazytqyshtarmen, teledıdarlarmen, dýsh kabınalarymen, bıodárethanalarmen jabdyqtalǵan», dedi Erbol Keńgerbaev.
Aıta ketsek, joba 2010 jyly iske qosylǵan, biraq SOVID-19 pandemııasyna baılanysty toqtatyldy.
