«Jyl saıyn jol apatynan 200-ge jýyq bala kóz jumyp, 3 myńnan astamy ártúrli dene jaraqatyn alady. О́tken jyldan bastap mektep oqýshylaryna jolda qaýipsiz júrip-turýdy túsindirý sabaqtary ótkizilgen joq. Bul qazirdiń ózinde jalpy jaǵdaıǵa keri áser etip otyr», dedi Jandos Muratálıev vedomstvoda ótken baspasóz máslıhaty barysynda.
Onyń aıtýynsha, jol-kólik oqıǵasynan zardap shegetin balalardyń basym bóligi kólik ishinde bolady.
«Kóp jaǵdaıda eresekter kólikte tasymaldaý erejesin saqtamaı, ıaǵnı balalardy arnaıy quralsyz nemese belbeýmen bekitpeı tasymaldaıdy. Sonymen qatar jaıaý júrginshilerdiń kinásinen bolatyn jol-kólik oqıǵalarynyń negizgi sebebi - jol belgisi joq jerden kesip ótý nemese baǵdarshamnyń qyzyl túsin elemeý. Jyl basynan beri el aýmaǵynda 92 kámeletke tolmaǵan jaıaý júrginshini qaǵyp ketý deregi tirkeldi. Onyń ishinde 5 bala qaza taýyp, 97-si jaraqat alǵan», deıdi ol.
