Atyraý oblysy Polısııa departamenti Esirtki qylmysyna qarsy is-qımyl basqarmasy qyzmetkerleri jedel-izdestirý sharasy barysynda 27 jastaǵy qala turǵynyn toqtatyp, tekserý kezinde 60 dana oram sıntetıkalyq esirtkige uqsas zatty taýyp, tárkiledi.
Saraptama qorytyndysyna sáıkes, salmaǵy 33 gramm bolatyn sıntetıkalyq esirtki ekendigi dáleldendi.
«Qazirgi ýaqytta atalǵan derek boıynsha QR QK-niń 296-babynyń 4-bólimi (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha sotqa deıingi tergep-tekserý júrgizilýde», dedi Atyraý oblysy PD bastyǵy Nurhat Orazbaev.
Aıta keteıik, bul bap boıynsha úsh jyldan jeti jylǵa deıingi merzimge bas bostandyǵynan aıyrý kózdelgen. Ustalǵan azamat Atyraý qalasy Polısııa basqarmasynyń ýaqytsha ustaý ızolıatoryna qamaýǵa alyndy.
Aıana Toǵanbek
