Jańa basshyny jeke quramǵa QR Ishki ister mınıstri Marat Ahmetjanov tanystyrdy.
Dýman Áshkenuly 1967 jyly 13 naýryzda Soltústik Qazaqstan oblysynyń Sergeev aýdany Kókterek aýylynda dúnıege kelgen. Ishki ister organdaryndaǵy qyzmetin 1988 jyly Soltústik Qazaqstan oblystyq atqarý komıtetiniń IIB PPQ jeke rotasynyń mılısıoneri bolyp bastady.
1991-2004 jyldar aralyǵynda Petropavl qalasynyń IIB ártúrli jedel laýazymdarda jumys istedi. 2004 jyly Esil aýdanynyń ishki ister bólimin, keıin Petropavl qalasynyń IIB basqardy.
Ár jyldary SQO IID qoǵamdyq qaýipsizdik basqarmasynyń bastyǵy, Ǵ.Músirepov aýdanynyń IIB basshysy, Petropavl qalasynyń IIB bastyǵy, SQO IID bastyǵynyń birinshi orynbasary qyzmetterin atqarǵan.
Jańa qyzmetke taǵaıyndalǵanǵa deıin ol QR IIM Krımınaldyq polısııa departamentiniń bastyǵy boldy.
