Almaty ákimi Erbolat Dosaev Medeý aýdanynyń jańa ákimin tanystyrý kezinde Orazalınniń basshylyǵymen Kásipkerlik jáne ınvestısııalar basqarmasy Almatyda shaǵyn jáne orta bıznesti qalpyna keltirý boıynsha úlken jumys atqarǵanyn atap ótti.
Jalpy, zardap shekken kásipkerlerdiń 97%-y óz qyzmetin qalpyna keltirdi. 20 mamyrǵa 14 082 240 817 teńgege 1568 ótinim maquldandy.
«Osynaý qıyn-qystaý kezeńde Erkebulan Orazalın ózin jaýapty jáne bilikti maman retinde kórsete bildi, joǵary uıymdastyrýshylyq qabiletteri men iskerlik qasıetterin kórsetti», dedi Almaty ákimi Erbolat Dosaev.
Erkebulan Orazalın óziniń eńbek jolyn 2002 jyly Almaty qalasy aqparattyq-taldaý ortalyǵynyń aqparattyq-kommýnıkatıvtik bóliminiń sarapshysy qyzmetinen bastady.
2005-2007 jyldary Qazaqstan Respýblıkasy Tuńǵysh Prezıdenti Qory janyndaǵy Álemdik ekonomıka jáne saıasat ınstıtýtynyń sarapshysy bolyp jumys istedi.
2010-2012 jyldary Almaty qalasynyń О́ńirlik damý áleýmettik-kásipkerlik korporasııasynyń Investısııalar jónindegi departamentiniń dırektory boldy.
2012 jyldan 2016 jylǵa deıin Almaty qalasy Tabıǵı resýrstar jáne tabıǵat paıdalanýdy retteý basqarmasy bastyǵynyń orynbasary, basshysy laýazymyn atqardy.
2016-2019 jyldary Almaty qalasy Áýezov aýdany ákiminiń orynbasary, Áleýmettik sala jáne kásipkerlik máselelerine jetekshilik etken.
2019 jyldan bastap Almaty qalasy Kásipkerlik jáne ınvestısııalar basqarmasynyń basshysy qyzmetin atqarǵan.
