Qalalyq veterınarııa qyzmetiniń málimetinshe, chıpteýdiń nátıjesinde búginde Almatyda 136 246 úı janýary (90 035 – ıt, 46 319 – mysyq) resmı tirkeldi.
«Tegin chıpteý baǵdarlamasy boıynsha bıyl qalada 15 myń ıt pen mysyqty qamtý josparlanyp otyr. Bul shara qala aýmaǵyndaǵy úı janýarlarynyń esebin júrgizýge, qutyrý aýrýyna qarsy ekpe men degelmıntızasııany tıimdi josparlaýǵa yqpal etedi. Derekter qoryna, aqparat pasportyna janýar men onyń ıesi, mıkrochıp nómiri týraly aqparatty mindetti túrde engizý – keleshekte úı janýarlarynyń esebin júrgizý jumysyn tolyq belsendi etýge múmkindik beredi», delinedi vedomstvo habarlamasynda.
Vedomstvo aqparatyna sáıkes, mıkrochıp ómir boıyna janýardyń terisiniń astyna engiziledi. Onda 15 tańbaly sannan turatyn nómir bar.
Aıta keteıik, chıpteý jumysyn veterınarııa qyzmetiniń jumysshylary aýlalardy aralaý kezinde aqysyz negizde júrgizedi.
