Turǵyn úıdi jaldaý aqysy sýbsıdııalanady

Ortalyq kommýnıkasııalar qyzmeti alańynda ótken baspasóz máslıhatynda vedomstvonyń Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Ázimbek Nálibaev, Qala qurylysy jáne turǵyn úı kommýnaldyq saıasat departamentiniń dırektory Rýslan Lepesov, «Otbasy bank» AQ basqarma tóraıymy Lázzat Ibragımova men ortalyq fılıalynyń dırektory Jansultan Mataı halyqtyń belgili bir áleýmettik osal toptaryn qoldaý úshin Memleket basshysynyń tapsyrmasy boıynsha ázirlengen baǵdarlamanyń aralyq nátıjelerimen bólisti.

Esterińizge sala keteıik, «Otbasy banki» jalǵa berý tólemderin sýbsı­dııa­laýǵa ótinimder qabyldaýdy 18 sáýir­de bas­taǵan bolatyn. Osylaısha, búgingi tańda qazaqstandyqtar 12 634 ótinim bergen (5 903 biregeı ótinish). Olardyń 2 741-i maquldanyp, 690-y boıynsha sýbsıdııa alýshy nemese onyń otbasy músheleri týraly málimetter tek­serilýde. Budan basqa, 51 ótinim boıyn­sha qazir bastapqy derekter ǵana engizilgen, 1 076-syn ótinim berýshilerdiń ózderi qaıtaryp alǵan. Sonymen qatar 6 860 ótinim maquldanbaı, keri qaıta­rylǵan. Maquldanbaı qalǵan ótinim­derdiń basym bóligi tirkeý kezinde sms-habarlama arqyly jiberilgen qupııa sózdi engizbegen ótinish berýshiler tarapynan kelip túsken.

«Qazaqstandyqtar óz óti­nim­derin jyldam ári kezek kútpeı berýleri úshin bizde barlyq prosess onlaın rejim­de uıym­dastyryl­ǵan. О́tinimder elek­trondy sıfrly qoltańba arqy­ly otbasybank.kz portalynda «Jaldaý aqysyn sýbsı­dııalaý» bóliminde beri­le­di. О́tinimder qabyldana­tyn jáne óńde­letin sıfr­ly plat­forma bire­geı bolyp sa­nalady. Alǵashqy óti­nim­der­di berý barysynda platfor­mada qateler týyndaýy múmkin dep bol­jap, birinshi kezeńde ótinimder bank­­tiń klıentteri sana­latyn úmit­ker­lerden qa­byl­dana bastady», dedi Qu­ry­lys jáne turǵyn úı-kom­mýnal­dyq sharýashylyq isteri komıteti tór­aǵasynyń orynbasary Á.Nálibaev.

Aıta keterligi, jaldaý shart­­tary boıynsha tó­lem­­derdi res­pýblıkalyq jáne óńirlik bıýdjetterden qa­rajat túskennen ke­ıin ­maý­­sym aıynan bas­tap tó­leý josparlanyp otyr. Spı­­­kerler tarapynan son­­daı-aq kommersııalyq na­ryqta turǵyn úıdi jal­ǵa be­rýdi sýbsıdııalaý qaǵı­da­la­ry týraly aqparat berildi.

«Ataýly kómek qa­ǵı­daty aza­mattar­­­­dyń ortaq jaýapker­shiligine negiz­­­delgen. Atap aıt­qanda, 50 paıyzy memlekettik sýbsıdııalar esebinen jabylsa, qalǵan 50 paıyzyn páter jaldap turatyn azamat ózi tó­leıdi. Memlekettik qol­daýǵa tórt sanat boıyn­sha kezekte turǵan úmit­ker­ler ıe bola alady. Olar­dyń qatarynda I jáne II top­taǵy múgedekter, múm­kin­digi shekteýli balalardy tár­bıelep otyrǵan otba­sylar, jetim balalar jáne kópbalaly otbasylar bar. Bul rette sońǵy 6 aıdaǵy ortasha aılyq jıyntyq tabystyń mólsheri otba­synyń árbir múshesi úshin bir eń tómengi kúnkóris deńgeıinen aspaýǵa tıis», dep málimdedi departament dırektory Rýslan Lepesov.

Qoıylatyn taǵy bir talap – úmit­ker­ler «Otbasy bankiniń» klıentteri bo­lyp, depozıti men mekeme­niń ınternet ban­kıngin­de tir­kelgen bolýǵa tıis. Jı­naq shoty joq adamdar shotty beınebankıng nemese Otbasybank mobıldi qosymshasy arqyly asha alady. «Depozıt turǵyn úıge aqsha jınaý úshin qajet. Qazir kezek­te turǵandar óz múmkin­dik­terine qaraı aqsha jınaı ala­dy. Degenmen merzimi boıyn­sha erterek ashylǵan depo­zıt kelesi satyǵa ótkende artyq­shy­­­lyqtarǵa ıe bolady», dedi bank basqarmasynyń tór­aıymy L.Ibragımova.

Depozıtti ashyp, ­otba­sy­­bank.kz portalynda tir­kelgen úmit­kerler óti­nimdi jeke kabı­net­terinde rásimdeı alady. О́ti­nimdi rá­simdeý úshin jeke kabı­nette tólemderdi alýǵa ar­nalǵan ótinish pen derbes derek­terdi jınaýǵa jáne óń­deýge arnalǵan kelisimge qol qoıý qajet. Qujat­tar­ǵa qol qoıylǵannan keıin júıe engizilgen derekterdi óń­dep, otbasy quramyn der­bes anyqtaıdy. Osy­dan ke­ıin otba­synyń káme­let jas­­qa tolǵan árbir mú­she­si «qonaq» márte­besinde otbasy­bank.kz saıtyna kirip, der­bes derekterdi jı­naý­ǵa jáne óńdeýge kelisimge ESQ kómegimen qol qoıýǵa tıis. Júıe derekterdi qaıta tek­se­rip, úmitkerdiń sýbsıdııa alýǵa bergen ótinimi maquldanady.