Ulystyń uly kúni áz Naýryz merekesin toılaý áli de óz jalǵasyn taýyp keledi. Qazaqstan halqy Assambleıasy HHI sessııasy qarsańynda L.N.Gýmılev atyndaǵy Eýrazııa Ulttyq ýnıversıtetinde «Astana kóktemi» atty Naýryz toıy atalyp ótti. Sharany atalǵan ýnıversıtet pen Qazaqstan halqy Assambleıasy birlesip uıymdastyrypty.
Rásimdi Eýrazııa Ulttyq ýnıversıtetiniń rektory Erlan Sydyqov ashty. Parlament Senatynyń depýtaty Anatolıı Bashmakov, Bilim jáne ǵylym vıse-mınıstri Tahır Balyqbaev, taǵy basqa azamattar ulys kúnimen ýnıversıtet aldynan «Birlik» atty alleıanyń ashylýymen quttyqtady. Olar berekeniń bastaýy birlikte ekenin aıta kele, bilim ordasynyń tabystaryna da toqtaldy. «Biz reıtıng boıynsha álemdegi úsh júz ýnıversıtettiń qataryna ensek, elimiz ýnıversıtetteri arasynda alǵashqy oryndamyz. Bul kórsetkishter ýnıversıtetimizdiń alǵa qaraı jyljýyna tyń serpin beredi», dedi E.Sydyqov.
«Atańnan mal qalǵansha, tal qalsyn» degen halyq naqylyn jadynda ustaǵan jurtshylyq alleıaǵa aǵashtar otyrǵyzdy. Jumylǵan jurt qatarynda Soltústik Qazaqstan oblysy, Shal aqyn aýdanynan arnaıy kelgen Keńes Odaǵynyń Batyry Aleksandr Vıktorenko da boldy. Aqsaqal búgingi sharany elimizdegi tatýlyqtyń taǵy bir kórinisindeı qabyldaıtynyn aıta otyryp, stýdent jastarǵa «Adam baqytty adal eńbekten ǵana tabady» degen atalyq aqylyn alǵa tartty.
Bilim oshaǵyndaǵy Naýryz toıy teatrlanǵan kórinistermen jalǵasyp jatty. Ulttyq qolóner buıymdary men beıneleý óneriniń sheberlerinen quralǵan jastardyń kórme jármeńkesi de jınalǵandardyń qyzyǵýshylyqtaryn týdyrdy. Sondaı-aq, asyq atý oıyny da erekshe áserge bóledi. Qazaq kúresinen baǵyn synaǵandarǵa tilekshilerdiń qarasy kóp boldy.
Mereıdi ósirgen ulttyq mereke, ulystyń uly kúni sán-saltanatymen este qaldy.
Ábdirahman QYDYRBEK,
«Egemen Qazaqstan».
––––––––––––––––
Sýretti túsirgen
Erlan OMAROV.
Rásimdi Eýrazııa Ulttyq ýnıversıtetiniń rektory Erlan Sydyqov ashty. Parlament Senatynyń depýtaty Anatolıı Bashmakov, Bilim jáne ǵylym vıse-mınıstri Tahır Balyqbaev, taǵy basqa azamattar ulys kúnimen ýnıversıtet aldynan «Birlik» atty alleıanyń ashylýymen quttyqtady. Olar berekeniń bastaýy birlikte ekenin aıta kele, bilim ordasynyń tabystaryna da toqtaldy. «Biz reıtıng boıynsha álemdegi úsh júz ýnıversıtettiń qataryna ensek, elimiz ýnıversıtetteri arasynda alǵashqy oryndamyz. Bul kórsetkishter ýnıversıtetimizdiń alǵa qaraı jyljýyna tyń serpin beredi», dedi E.Sydyqov.
«Atańnan mal qalǵansha, tal qalsyn» degen halyq naqylyn jadynda ustaǵan jurtshylyq alleıaǵa aǵashtar otyrǵyzdy. Jumylǵan jurt qatarynda Soltústik Qazaqstan oblysy, Shal aqyn aýdanynan arnaıy kelgen Keńes Odaǵynyń Batyry Aleksandr Vıktorenko da boldy. Aqsaqal búgingi sharany elimizdegi tatýlyqtyń taǵy bir kórinisindeı qabyldaıtynyn aıta otyryp, stýdent jastarǵa «Adam baqytty adal eńbekten ǵana tabady» degen atalyq aqylyn alǵa tartty.
Bilim oshaǵyndaǵy Naýryz toıy teatrlanǵan kórinistermen jalǵasyp jatty. Ulttyq qolóner buıymdary men beıneleý óneriniń sheberlerinen quralǵan jastardyń kórme jármeńkesi de jınalǵandardyń qyzyǵýshylyqtaryn týdyrdy. Sondaı-aq, asyq atý oıyny da erekshe áserge bóledi. Qazaq kúresinen baǵyn synaǵandarǵa tilekshilerdiń qarasy kóp boldy.
Mereıdi ósirgen ulttyq mereke, ulystyń uly kúni sán-saltanatymen este qaldy.
Ábdirahman QYDYRBEK,
«Egemen Qazaqstan».
––––––––––––––––
Sýretti túsirgen
Erlan OMAROV.
