Depýtattar kezdesý barysynda qatysýshylarǵa elimizdiń Konstıtýsııasyna engizýge usynylǵan ózgerister týraly aıtyp, Memleket basshysynyń osy másele boıynsha jalpy respýblıkalyq referendým ótkizý týraly sheshimi «Halyq únine qulaq asatyn memleket» qaǵıdasyna tolyq sáıkes keletinin atap ótti.
«Memlekettiń jerge, onyń jer qoınaýy men baılyǵyna menshik quqyǵy, ólim jazasyna tolyq tyıym salý, konstıtýsııalyq sotta konstıtýsııalyq quqyqtar men bostandyqtardy qorǵaý jáne t.b. sııaqty mańyzdy máseleler 27 jyl ishinde tuńǵysh ret Qazaqstannyń barlyq azamatynyń pikirin eskere otyryp sheshiletin bolady. Biz bárimiz Konstıtýsııaǵa engizilgen mańyzdy túzetýler úshin daýys berýimiz kerek. Bul ózgerister arqyly júzege asatyn jańa saıası reformalar demokratııalyq qaıta qurýǵa degen adaldyqty kórsetedi», dedi komıtet tóraǵasy V.Volkov.
Depýtat N.Beknazarov óner salasyndaǵy áleýmettik-mádenı jáne ekonomıkalyq máselelerdi sheshýdegi memlekettiń rólin qozǵap, aldaǵy referendýmǵa belsendi qatysýǵa shaqyrdy.
«Ýnıversıtet aǵartý isiniń besigi jáne ulttyq kásibı mýzykalyq bilimniń, mádenıet pen óner ortalyǵy bolyp tabylady. Osy salada qyzmet etetin jandardyń Jańa Qazaqstannyń ıdeologııasyn jandandyrýda erekshe orny bar jáne aldaǵy referendýmda sizderdiń daýystaryńyz óte mańyzdy», dedi senator A.Lýkın.
V.Volkov kezdesýdi qorytyndylaı kelip aldaǵy referendýmnyń oń nátıjesi azamattardyń belsendiligine baılanysty bolatynyn atap ótti.
