Bıznesti qoldaýǵa arnalǵan mıllıardtar

«Báıterek» Ulttyq basqarýshy holdıngi men 13 otandyq bank arasynda kelisimge qol qoıyldy, oǵan sáıkes Ulttyq qordan bólingen trıllıon teńgeniń 100 mıllıardy shaǵyn jáne orta bıznesti qoldaýǵa jumsalady. Ekinshi deńgeıli bankter aqshalaı transhty 6 aıda ıgerip bolýy tıis. Bul oraıda áńgime jańa jobalardy ǵana emes, sonymen birge, eskilerdi saýyqtyrý jóninde de bolyp otyr. Jobalardy tańdaýda tamaq ónerkásibi kásiporyndaryna negizgi basymdyq berilýi tıis. Bankter aqshalaı qarjyny «Báıterek» Ulttyq basqarýshy holdıngi men «Damý» qorynan 20 jyl merzimge alady. Bankter bolsa, osy aqshalaı qarjyny alǵan soń jyldyq 6 paıyzben 10 jyl merzimge nesıeler beredi. Máseleni oǵan qatysýshylar bylaısha túsindiredi: Qýandyq Bıshımbaev, «Báı­­terek» Ulttyq basqarýshy hol­dın­­gi» AQ-tyń basqarma tóraǵasy: – Memleket basshysy Nur­sultan Nazarbaevtyń kóregen saıa­satynyń arqasynda Qazaqstannyń Ulttyq qorynyń resýrstary otan­dyq ónerkásipti, ásirese, tamaq jáne sýsyndar óndirisine, sondaı-aq tigin, metallýrgııa salasy farmasevtıka jáne basqalardy qoldaýǵa baǵyttalady. Prezıdent Ulttyq qor qarjylary uzaq jáne jetkilikti dárejede arzan bolýy tıis degen mindet qoıdy. «Báıterek» holdıngi men onyń enshiles qurylymy «Damý» qoryna óńdeý ónerkásibindegi jobalardy júzege asyryp jatqan shaǵyn jáne orta bıznesti damytýǵa bólingen 100 mıllıard teńgeniń 50 mıllıard teńgesi jańa jobalarǵa, onyń ishinde 25 mıllıardy tamaq ónimderin óndirýge baǵyttalady. Qalǵan bóligi, ıaǵnı 50 mıllıard teńge olardyń odan ári tabysty óndiristik qyzmetpen aınalysýy úshin qazirgi zaemshylardy qaıta qarjylandyrýǵa jumsalmaq. Kásipkerler bul qarjyny qazirdiń ózinde ekinshi deńgeıli bankterden jyldyq 6 paıyzben 10 jyl mer­zimge ala alady. Bul bizdiń elimizde de, TMD elderinde de bolyp kór­megen óte tıimdi jaǵdaılar. Otandyq 13 bankpen kelisimge qol qoıý – bul Memleket basshy­synyń ekonomıkaǵa shuǵyl kó­mek kórsetý jáne onyń 6-7 paıyz deń­­geıindegi jyldyq ósimin qamta­­masyz etý jónindegi tap­syrmasyn júzege asyrýdaǵy alǵashqy qadam. Bul bútindeı alǵanda, ınvestısııalyq qyzmetti ynta­lan­dyryp, túpki nátıjede Qazaq­stannyń álemniń damyǵan 30 eliniń qataryna enýi úshin mańyzdy qadam bolyp tabylady. Lázzat Ibragımova, «Da­mý» kásipkerlikti damytý qory» AQ-tyń basqarma tóraıymy: – Bankterge osy baǵdarlama sheńberinde qandaı da bir komıssııalar, aıyppuldar, ósimpuldar alýǵa tyıym salynady jáne bular Ulttyq qor resýrsy bolǵandyqtan olar otandyq ónerkásipti – tamaq, tigin, metallýrgııa, mashına jasaý salalaryna qoldaý kórsetýge baǵyttalady. «Damý» shaǵyn jáne orta bıznes ókilderi nesıeni qarastyrý barysynda artyq komıssııa tó­lemeýi úshin barlyq prosedýra­lardy egjeı-tegjeıli qadaǵalaıtyn bolady. Sondaı-aq, biz bankterdi yn­talandyryp, olardy qosa qarjy­landyramyz jáne jobalarǵa ózge de qosymsha resýrstar tartatyn bolamyz. Murat Nurǵazın, «Ses­na­bank» AQ basqarma tóraǵasynyń orynbasary: – Bul baǵdarlama búgingi kúni ShOB kásiporyndary úshin ýaq­tyly jáne paıdaly bolyp otyr, ol qazirgi jaǵdaıda kásiporyndardyń básekege qabilettiligin arttyrýǵa, taýar sanyn kóbeıtýge jaǵdaı jasaıdy. Osyndaı qoldaýy úshin Memleket basshysyna rahmet. Shýhrat Sadyrov, «Sber­bank» AQ basqarma tóraǵasy­nyń orynbasary: – Sberbank pen «Damý» kásip­ker­likti damytý qory shaǵyn jáne orta bıznes sýbektilerin qarjy­landyrý úshin 6 mlrd. teńgege kredıttik kelisimge qol qoıdy. Nesıeleý sharttaryna sáıkes, bank 6 aı ishinde bólingen qarjyny óńdeý salasy kásipkerleriniń jo­balaryn qarjylandyrýǵa baǵyt­taıdy. Olardyń bir bóligi qazirgi bar zaemdardy qaıta qarjy­landyrýǵa jumsalmaq. Sberbank tamaq ónerkásibin nesıeleýge basymdyq berýdi josparlap otyr. Bizdiń klıenttik bazamyz ben aǵymdaǵy qorjynymyz bul transh­ty aıtarlyqtaı shapshań ıgerýge múmkindik beredi. Kásipkerler memleket qoldaýynyń tıimdiligin múmkindiginshe tezirek sezinýi tıis. О́z tarapymyzdan biz bıznes­menderdi óz ótinishterin belsen­direk berýge shaqyramyz. Biz bul baǵdarlamanyń ShOB-tyń damýy­na jańa serpin beretinine jáne eldegi kásipkerliktiń jańa sapaly deńgeıge shyǵýyna jaǵdaı týǵyzatynyna senimdimiz. Qanat ESKENDIR, «Egemen Qazaqstan».