Oqıǵaǵa toqtalsaq, shymkenttik turǵyn saıabaqta serýendep júrip, polıetılen paketine oralǵan ózine tán hosh ıisi bar, dárige uqsas zat taýyp alady. Alaıda, ony tıisti mekemege habarlamaı, aldaǵy ýaqytta tutyný nemese satý maqsatynda ózine qaldyrǵan.
«Arada ýaqyt óte jolda belgisiz azamattarmen janjaldasý barysynda Ál-Farabı aýdany Polısııa basqarmasynyń ýchaskelik ınspektory ajyratyp, eregisken azamattardy polısııa basqarmasyna jetkizedi.
Er adamdardyń jeke basyn anyqtaý barysynda birinen 32 dana polıetılen paketine oralǵan ózine tán hosh ıisi bar psıhotropqa uqsaıtyn zat anyqtalyp, tárkilenedi. Tıisti saraptama qorytyndysymen qaltashalardaǵy zattyń salmaǵy 16 grammǵa jýyq bolatyn psıhotropty zat pırrolıdınovalerofenon ekeni dáleldendi», delingen keltirgen málimette.
Atalǵan derek boıynsha er adam QR Qylmystyq kodeksiniń 296-baby 4-bóligimen (Esirtki zattaryn asa iri mólsherde zańsyz saqtaý) 4 jylǵa bas bostandyǵynan aıyryldy.
Saltanat Kenjebaı
