Mindetter minsiz oryndalýy tıis

Keshe Premer-Mınıstrdiń birinshi orynbasary Baqytjan Saǵyntaev selektorlyq rejimde keńes ótkizip, onda ústimizdegi jyldyń birinshi toqsanyndaǵy áleýmettik-ekonomıkalyq damý qarqyny men «Qoljetimdi turǵyn úı-2020» baǵdarlamasynyń júzege asyrylýy qaraldy, dep habarlady Premer-Mınıstrdiń baspasóz qyzmeti. Sondaı-aq, keńeske qatysý­shy­lar kóktemgi dala jumystaryn uıymdastyrý men ótkizý, aǵym­daǵy sý tasqyny ahýaly jáne óńirlerdegi áleýmettik mańyzdy azyq-túlik baǵalarynyń turaq­tylyǵy máselelerin talqylady. Keńeske ortalyq memlekettik organdardyń basshylary, oblys­tardyń, Astana men Almaty qala­larynyń ákimderi qatysty. «Qoljetimdi turǵyn úı-2020» baǵdar­lamasynyń oryndalý barysy týraly О́ńirlik damý mınıs­tri B.Jámishev habarlady. Onyń aıtýynsha, qańtar-naýryzda tur­ǵyn úı qurylysyna 110 mlrd. teńge baǵyttalǵan (barlyq qarjy­lan­dyrý kózderinen) nemese ótken jyldyń tıisti kezeńiniń 123 paıyzy, 1,7 mln. sharshy metr turǵyn úı paıdalanýǵa berildi, ol 2013 jylǵy tıisti kezeńniń 111 paıyzyn quraıdy. Áleýmettik-ekonomıkalyq da­mý qarqyny týraly Ekonomıka já­ne bıýdjettik josparlaý vıse-mınıstri M.Ábilqasymova habarlady. Aldyn-ala málimetter boıynsha, ústimizdegi jyldyń qańtar-naýryzynda IJО́ ósimi 2,9 paıyzdy quraǵan. Memleket basshysynyń tapsyrmasyna sáıkes Úkimet aldynda 2014 jyly ekonomıkanyń 6-7 paıyz deńgeıinde turaqty ósýin qamtamasyz etý mindeti tur. Tótenshe jaǵdaılar mınıstri V.Bojko atap ótkenindeı, tasqyn sý ahýaly elde turaqty. Barlyq sý qoımalaryndaǵy sýdyń deńgeıi jobalyq kólemge saı. Erneýinen asyp ketý qaýpiniń aldyn-alý úshin qaýipsiz jaǵdaıda sýdy aǵyzyp jiberý júzege asyrylýda, ol óz kezeginde ózender arnalaryn shaıýǵa jáne ekologııany jaqsartýǵa yqpal etedi. Ústimizdegi jyly 21,8 mln. ga alqapqa aýylsharýashylyq daqyl­daryn ornalastyrý josparlanǵan, ol 2013 jylǵydan 313 myń gek­tarǵa nemese 1,5 paıyzǵa artyq, dep habarlady salalyq vedomstvo basshysy A.Mamytbekov. Kóktemgi tuqym sebý alańy ótken jylǵy 19 mln. ga deńgeıinde saqtalady. Astyq daqyldaryna 15,9 mıllıon ga, onyń ishinde bı­daıǵa 12,8 mıllıon ga egistik arnal­maq. Osylaısha, 2013 jylǵy deńgeı 311,3 myń gektarǵa qysqa­rady. Maıly daqyldardy 2 mıl­lıon gektarǵa, qant qyzylshasyn 11,5 myń gektarǵa, maqtany 133 myń gektarǵa, kókónis-baqsha da­qyl­daryn 220,7 myń gektarǵa, kartopty 189 myń gektarǵa, azyqtyq daqyldardy 3,4 mıllıon gektarǵa ornalastyrý josparlanyp otyr. «Qoljetimdi turǵyn úı» baǵ­darlamasyn júzege asyrýǵa qarjy tolyq kóleminde bólindi. Oblys ákimderi bul máseleni aıryqsha baqylaýda ustaýy kerek. Ýaqytynda ıgerilmegen aqshalar tabysty ıgerilip jatqan óńirlerge qaıtadan bólinip beriletin bolady, dep atap ótti B.Saǵyntaev. Osy másele boıynsha aı saıyn selektorlyq keńes ótip turady. Biz áleýmettik-ekonomıkalyq da­mý qarqynyn, memlekettik jáne salalyq baǵdarlamalar men Mem­leket basshysynyń barlyq tıisti tapsyrmalarynyń oryndalý barysyn operatıvti rejimde qadaǵalap otyramyz, dep túıindedi sózin birinshi vıse-premer.