Azamattyq ustanymnyń aıqyn kórinisi

A.Baıtursynuly atyndaǵy Qostanaı ýnıversıtetinde ótken alqaly jıynda elimizdiń sol­tús­tik aımaqtarynyń 5 mamyr­da óte­tin respýblıkalyq refe­ren­dýmǵa daıyndyq barysy tal­qy­­lan­dy.

– Referendým – haly­q bıli­giniń, árbir qazaqs­tan­dyq­tyń óz aza­mattyq ustany­myn bildirý ar­qyly Jańa Qazaqstandy qu­rý­ǵa eleýli úles qosýynyń jar­­­qyn kórinisi. Aldaǵy refe­ren­­dýmnyń tarıhı mán-mańyzy tutastaı ulttyń taǵdyryna qa­tys­­ty máselelerdi halyqtyń tal­­q­ysyna shyǵarý, buqara kóp­shi­liktiń memlekettik bılikke tike­leı qatysýyn qamtamasyz ete otyryp, demokratııa negiz­de­rin ornyqtyrý.  Búgin aldy­myzdaǵy mańyzdy saıası naý­qanǵa óńirlerde júr­gizilip jat­qan daıyndyq ju­mys­taryn bir pysyqtap alyp, referendýmnyń mán-ma­ńy­zyn halyqqa túsindirý ba­ry­syndaǵy ozyq úlgilerdi, tıim­di tájirıbelerdi bólisý maq­sa­tyn­da bas qosyp otyrmyz, – dedi Qa­zaq­stan depýtattary bir­les­­tiginiń tóraǵasy Tóleýbek Muqashev.

Odan keıin tórt oblystaǵy óńirlik shtab basshylary refe­ren­dýmǵa daıyndyq bary­sy­­nyń qalaı júrip jatqany týra­ly esep berdi. Máselen, Qosta­naı oblysyndaǵy óńirlik shtab múshe­si Abaı Dúısekovtiń aıtýynsha, referendýmnyń el tarı­hyn­daǵy orny erekshe ekenin ha­lyqqa jetkizý maqsatynda ob­lysta 10 mamyrdan búginge deıin 600-den astam is-shara uıym­das­ty­rylǵan.

– Qalalar men aýyldardy ara­lap, jergilikti turǵyndarmen kez­­desýler ótkizdik. Kópshilik tara­­pynan túsken saýaldarǵa jaýap berdik. 6 mamyrda Qos­tanaı oblysynda referendým­dy qoldaý jónindegi respýblıkalyq shtab­tyń ókildigi quryldy. Shtabty Senatorlar keńesiniń múshe­si, zań ǵylymdarynyń doktory Sergeı Jalybın bas­qarady. Shtab quramynda 16 adam jumys isteıdi. Oblys ortalyǵynan tys qalalar men aýdandarda óz ókil­dikterimiz bar. Negizgi kes­te boıynsha jos­par­lanǵan shtab jumysynan tys, jekelegen ǵa­lymdar men zııaly qaýym ókil­de­riniń, belgili kásipkerler men bedeldi qaıratkerlerdiń halyq­pen jeke kezdesýleri uıym­­das­ty­ryldy, – dedi Abaı Dúısekov.

Qostanaıdaǵy qoǵamdyq shtab ókilderi búginge deıin túrli kásip­oryn­dar men ujymdarda, joǵary oqý oryndarynda, alys-jaqyn eldi mekenderde 523 ret kezdesý ótkizgen. Munyń syrtynda, shtab­tyń arnaıy jedel chaty jumys isteıdi. Onda kún saıyn atqa­ryl­ǵan is-sharalar ortaǵa salynyp, tezıster taldanady. Sondaı-aq aq­parattyq naýqandy jaqsartý jó­ninde usynystar engiziledi.

Jıynda «Aq jol» partııasy oblystyq fılıalynyń tóraǵasy Mahabbat Jutaev jańarǵan Kon­stı­týsııanyń jastarǵa berer ıgi­li­gi mol ekenin jan-jaqty baıandap ótse, Qostanaı oblysynyń isker áıelder qaýymdastyǵynyń tóraǵasy Gúlsara Jamanqulova Ata Zańǵa enetin eleýli ózgeris­ter­diń elimizdiń genderlik saıasa­ty­nyń jetilýine zor yqpal ete­tinin atap ótti.

Qostanaı oblysy