Munda robot-tehnıka, aerokvantým, planetarııa sııaqty suranysqa ıe 84 úıirme jumys isteıdi. Ǵımarat bilimge, ǵylymǵa, jalpy jasóspirimderdiń izdenip, zertteýmen aınalysýǵa qajetti barlyq zamanaýı qural-jabdyqpen qamtylǵan.
Jańa saraıdyń ashylýy sabaqtan tys ýaqytta oqýshylardyń bilimderin jetildirip bos ýaqyttaryn tıimdi ótkizýge múmkindik berip otyr. Endi 7 myńǵa jýyq bala mektepten tys qosymsha bilim alý sharalarymen qamtylmaq.
«Túrli baǵytta bul jerde qosylyp otyrǵan planetarııa, observatorııa, robot-tehnıka, aerokvantým degen sııaqty úıirmelerde balalar ózderiniń qosymsha bilimderin jetildiredi. Buǵan deıin Taraz qalasynda saraı bolǵan joq. Tuńǵysh ret oblys ortalyǵynda ashylyp otyrǵan saraı. Jalpy bizdiń oblysymyzda 76 mektepten tys qosymsha bilim berý ortalyqtary bar. Bul úlken saraıdyń ashylýy odan da ary qaraı balalardyń qosymsha bilim alýyna úlken múmkindikter týǵyzyp otyr», deıdi basqarma basshysy Aıdyn Dosybaeva.
