Basylym usynǵan aqparatqa sáıkes, Eýropa fýtbol qaýymdastyqtarynyń odaǵy (ÝEFA) 2021/22 maýsymdaǵy úsh mańyzdy týrnırge qatysqan klýbtarǵa 2,7 mıllıard eýro bólgen. Atalǵan somanyń 2,03 mıllıard eýrosy Chempıondar lıgasy men ÝEFA Sýperkýbogyna qatysqan klýbtarǵa beriletini habarlandy.
Eýropa lıgasynyń qatysýshylary 465 mıllıon eýro, al Konferensııa lıgasynyń qatysýshylary 235 mıllıon eýro alady. Al Chempıondar lıgasynyń toptyq kezeńinde óner kórsetken klýbtarǵa 15,64 mln eýro bólingen. Árbir jeńis úshin 2,8 mln eýro, al teń oıyn úshin 930 myń eýro tólenbek. 1/8 fınalǵa joldama alǵandarǵa 9,6 mln eýro, 1/4 fınal qatysýshylaryna 10,6 mln eýro, 1/2 fınalǵa shyqqandarǵa 12,5 mln eýro, fınaldaǵy qos ujymǵa 15,5 mln eýro beriledi.
Jalpy alǵanda Chempıondar lıgasynyń jeńimpazy atanǵan «Real» 123,8 mln eýro kóleminde syıaqyǵa ıe bolyp otyr.
Arýjan Amangeldi
