Almaty ákiminiń aıtýynsha, olar qazir qyzmet kórsetip turǵan toǵyz stansııanyń jalǵasy retinde qala ortalyǵyn shetki aýdandarmen baılanystyrady.
Eki jańa beket iske qosylǵaly metro jelisiniń jalpy uzyndyǵy 3,1 shaqyrymǵa uzaryp, 13,4 shaqyrymdy quraıdy. Jeli boıyna 7-10 mınýt saıyn júretin tórt vagondy 15 elektr poıyzyn jiberý josparlanǵan. Metro kúnine 85 myń jolaýshyǵa deıin tasymaldaı alady.
«Baýyrjan Momyshuly» stansııasy Abaı dańǵyly boıynda Momyshuly kóshesiniń batysynda ornalasqan. Taıaz ornalasqan, eki vestıbıýl men alty kireberisi bar. Stansııada alty jedelsaty men on bes eskolator ornatylǵan. Platforma uzyndyǵy 108 metr Almaty metro jelisiniń on birinshi stansııasy ázirge sońǵy stansııa bolyp sanalady.
Stansııa úlken turǵyn alabynyń ortasynda ornalasqan. Qabyrǵalar men tireýishterdi bezendirý úshin ashyq reńkti marjan-sur tústi aǵash tektes keramıkalyq panelder, al edendi qaptaýǵa - ashyq sur tústi tabıǵı granıt paıdalanylǵan.
Bolashaqta «Qalqaman» stansııasy qurylysyn aıaqtap, metrony batys baǵytta «Barlyq» bazaryna deıin damytý josparlanǵan.
