Qasym-Jomart Toqaevqa «Samuryq-Qazyna» qorynyń bıylǵy tórt aıda atqarǵan jumystarynyń qorytyndysy jóninde esep berildi.
Prezıdentke qordyń óndiristik, qarjylyq kórsetkishteri men osy jylǵa arnalǵan boljamdary týraly baıandaldy. Berilgen málimetterge sáıkes «Samuryq-Qazyna» aksıonerlik qoǵamy qazirgi ýaqytta josparlanǵan nátıjege qol jetkizgen.
Almasadam Sátqalıev Memleket basshysyna mańyzdy ınvestısııalyq jobalardyń iske asyrylý barysy, iri ınfraqurylymdyq nysandarǵa júrgizilgen jóndeý jumystary, sondaı-aq Qorǵa qarasty portfeldi kompanııalardyń IPO-ǵa daıyndyǵy jóninde baıandady.
Kezdesý sońynda Qasym-Jomart Toqaev «Samuryq-Qazyna» aksıonerlik qoǵamynyń qyzmetine qatysty birqatar naqty tapsyrma berdi.
