Oblystyq TJD naqtylaǵandaı, gaz-aýa qospasy kóshedegi qurylys jumystary kezinde paıda bolǵan.
«Jarylys saldarynan birinshi qabattan besinshi qabatqa deıingi terezeler synǵan, jarylys bolǵan páterdiń jáne oǵan irgeles páterdiń ishki qalqalary, birinshi qabattaǵy kireberis esikteri zaqymdalǵan. Jóndeý jumystaryn júrgizip jatqan úıdiń ıesi aýyr halde aýrýhanaǵa jetkizildi», dedi tótenshe jaǵdaılar departamentiniń baspasóz qyzmeti.
Qutqarýshylar úıdiń 13 turǵynyn evakýasııalady, 17 adam óz betimen shyqqan.
«Oqıǵa ornynda oblystyq Tótenshe jaǵdaılar departamentiniń 25 qyzmetkeri men jeti tehnıkasy jumys istep jatyr», dep qosty tótenshe jaǵdaılar departamenti.
Tótenshe jaǵdaılar departamenti órttiń aldyn alý úshin kelesi erejelerdi saqtaý kerektigin eske salady:
Tek qyzmet kórsetiletin elektr qurylǵylaryn paıdalanyńyz;
Qosýly elektr qurylǵylaryn janǵysh zattar men aǵash konstrýksııalarǵa jaqyn qoımańyz;
Elektr jaryǵyn óshirýdi umytpańyz;
Elektr jelisiniń shamadan tys júktelýin týdyratyn elektr energııasyn birneshe qýatty tutynýshylardy (elektr plıtasy, elektr kamıni, sháınek jáne t.b.) elektr jelisine bir mezgilde qosýǵa jol bermeý;
Ashyq ot kózderin paıdalanbańyz;
О́rt bolǵan jaǵdaıda dereý «101» jáne «112» nómirlerine habarlańyz.
Aıana Toǵanbek
