Baıanaýyl jastarymen kezdesýde Ashat Oralov Ata Zańǵa engiziletin túzetýler azamattardyń suranysyna onyń ishinde, neǵurlym demokratııalyq, áleýmettik-ádil qoǵam qurý talabyna tolyǵymen jaýap beretinin atap ótti.
«Elimizde sońǵy ret konstıtýsııalyq referendým 1995 jyly ótti. Iаǵnı, táýelsiz Qazaqstanda týǵan jastar úshin bul – alǵashqy tájirıbe. Sondyqtan árkim óz pikiriniń mańyzdylyǵyn jáne el bolashaǵy úshin jaýapkershilikti sezine otyryp, 5 maýsymda daýys berýi kerek. «Jańa Qazaqstandy» quratyn dál osy jastar jáne bul joldaǵy alǵashqy qadam – referendýmǵa qatysý. Konstıtýsııaǵa engiziletin ózgerister árbir qazaqstandyqtyqtyń ómirine áser etedi», dedi Ashat Oralov.
О́z kezeginde, bıologııa pániniń jas mamany Bógembaı Bahıtdenov azamattardyń elimizdiń qoǵamdyq-saıası ómirine aralasýyn kúsheıtýge baǵyttalǵan Prezıdent usynǵan reformalar baǵytyn tolyǵymen qoldaıtynyn atap ótti.
«Men 5 maýsymda saılaý ýchaskesine baramyn. О́ıtkeni biz, jastar, barynsha belsendilik tanytyp, ózimizdiń azamattyq boryshymyzdy oryndaýymyz kerek dep sanaımyn», dedi Bógembaı Bahıtdenov.
Baıanaýyl aýdanynyń zııaly qaýym ókilderimen kezdesýde jergilikti turǵyndardyń referendýmǵa usynylǵan túzetýlerdiń máni týraly tolyqqandy habardar ekeni aıtyldy.
Aqsý qalasynda partııanyń Atqarýshy hatshysy ferroqorytpa zaýytynyń jumysshylarymen kezdesip, aldaǵy túzetýlerdiń mańyzyn talqylady. Zaýyt qyzmetkerleri Konstıtýsııaǵa engiziletin ózgerister qazaqstandyqtardyń ómirine áser etetindikten, árbir azamat 5 maýsymda daýys berýge qatysýy kerek dep esepteıdi.
«Konstıtýsııa – bárimiz úshin mańyzy zor eldiń basty zańy. Aldymyzdaǵy aıtýly kúni Prezıdent usynǵan reformalardy kópshilik qoldaıtynyna senimdimiz. Osyndaı taǵdyrsheshti máseleni ózimizdiń sheshýge quqyǵymyzdyń bolýy – óte qundy», dedi zaýyt ardageri Nıkolaı Sýhoterın.
Pavlodarda Ashat Oralov óńirdiń zııaly qaýym ókilderimen jáne aqsaqaldarymen de júzdesti. Jıynǵa qatysýshylar 5 maýsymda oblys turǵyndary saılaý ýchaskelerine baryp, jappaı daýys beretinderin jetkizdi.
QHA etnomádenı birlestikteriniń ókilderimen, oblys jastary jáne sportshylarymen ótken kezdesýlerde konstıtýsııalyq ózgeristerdiń mán-mańyzy men onyń elimizdiń turaqty damýyna tıgizetin áseri jaıynda sóz qozǵaldy.
«Barlyq túzetýler Parlament arqyly ótse de, zańdy bolar edi. Biraq jalpyulttyq referendým ótkizý – bul halyqtyń quqyqtyq mádenıetin arttyratyn elimizdiń tarıhyndaǵy mańyzdy oqıǵa», dep atap ótti Pavlodar oblysynyń fın-ýgor etnomádenı ortalyǵynyń tóraıymy Olga Nıkolashına
Sonymen qatar, bastaýysh partııa uıymdary tóraǵalarymen jáne aımaqtaǵy partııa aktıvimen kezdesý ótti. Búgingi tańda oblysta 220 partııa uıymyna birikken 48 myńǵa jýyq partııa múshesi bar.
Osy kúni partııa Hatshysy Eldar Jumaǵazıev elektrolız jáne munaı-hımııa zaýyttarynyń ujymymen kezdesip, óndiris qyzmetshilerin referendýmǵa belsendi qatysýǵa shaqyrdy.
