Elimizde bolǵan kúrdeli oqıǵalar halyqtyń birligi men myqtylyǵyn synap kórdi. Syrtqy kúshterdiń shabýylyna ushyradyq. Qordalanyp qalǵan máseleler búgin sheshýdi qajet etedi. Ádil Konstıtýsııa ǵana halyqtyń talap-tilegine negizdelmek. Biz endi eldiń jasampazdyq kúshin ortaq maqsat jolyna burǵymyz keledi. Referendýmda barlyq taraptyń únin estıtin bolamyz.
Demokratııany, ashyq qoǵam men ádildikti ornatýda árbir qazaqstandyqtyń múmkindigi bolýy kerek. Referendým qoǵam talabyna jaýap beredi. Konstıtýsııanyń jańa redaksııasy bıliktiń barlyq deńgeıinde saıası konfıgýrasııany túbegeıli ózgertedi. Qazaqstan men onyń halqy ǵana ózgerissiz qalady. Halyq pen memlekettiń múddesi saqtalady. Referendýmnan keıin biz memleket pen azamattarymyzdyń ózara jaýapkershiliginiń naqty algorıtmine qol jetkizemiz. Ata Zańǵa engiziletin túzetýlerdi qoldap, barynsha belsendilik tanytýymyz kerek.
Bul tek ózimizge ǵana emes, nıettes jáne alys-jaqyn elderge, barsha álemge bergen jaýabymyz bolmaq. Dúnıejúzi bizdiń birligimizdi, Memleket basshysy Qasym-Jomart Toqaevtyń ustanǵan baǵytyn qoldaıtynymyzdy kóretin bolady. Qazaqstannyń kópultty bolýy bizdiń strategııalyq resýrsymyz ekeni anyq. Endeshe, elimizdiń maqsaty aıqyn, yntymaǵy berik ekenin dáleldeıtin sát týyp tur.
Ahmet MURADOV,
qoǵam qaıratkeri,
Qazaqstannyń «Vaınah» cheshen jáne ıngýshtar qaýymdastyǵynyń teń tóraǵasy,
Qazaqstan halqy Assambleıasy Keńesiniń múshesi
