Bıyl uzyndyǵy 221 shaqyrym bolatyn 224 kóshege, onyń ishinde 19 magıstraldyq kóshege ortasha jóndeý júrgizý josparlanyp otyr. Oǵan qosa qalaǵa keıin qosylǵan Aqjar shaǵynaýdanyna 48 shaqyrym jańa jol salý josparlanyp, qurylysy bastalyp ketti.
Almaty qalalyq mobıldilik basqarmasynyń basshysy Ǵanı Myrzahanov qanaǵattanarlyq derlik joldardyń kórsetkishin 95%-ǵa deıin jetkizý úshin 2025 jylǵa deıin taǵy 234 shaqyrym jańa jol salý, keminde 200 shaqyrymdaı joldy jóndeý, 350 myń sharshy metrden astam asfaltbeton jabynyna jóndeý júrgiziletinin málimdedi. Oǵan qosa Alǵabas, Álmerek jáne Qaırat shaǵynaýdandarynda jumys jalǵasyp jatyr. Qazirgi ýaqytta ortasha jóndeý jumystary 39 kóshede, onyń ishinde 7 magıstraldy kóshede, sondaı-aq Tastybulaq, Aqbulaq, О́jet, Dýman, Alataý (IаFI) shaǵynaýdandarynda jol salý men jóndeý júrgizilýde. Ortasha jóndeý jumystaryn bıylǵy qyrkúıek aıynyń sońyna deıin aıaqtaý josparlanǵan.
Sondaı-aq Buqtyrma kóshesi – Qulja traktisi, Seıfýllın dańǵyly – Jansúgirov kóshesi jáne Saın kóshesi – Móńke bı kóshesi úsh jolaıryqtyń qurylysy jalǵasý ústinde. Buqtyrma kóshesi – Qulja traktisi jolaıryǵynda jumystar kestege sáıkes júrgizilýde. Qala men oblys aýmaǵy boıynsha satyp alý tolyǵymen aıaqtaldy. Birinshi jartyjyldyqtyń sońyna deıin qurylys-montaj jumystaryn aıaqtaý, sol arqyly kóliktiń barlyq baǵytta júrýin qamtamasyz etý josparlanýda. Abattandyrýmen qosa tolyq aıaqtaý 2022 jyldyń sońyna deıin josparlanyp otyr.
«Seıfýllın dańǵyly men Jansúgirov kóshesiniń qıylysyna keletin bolsaq, onda da satyp alynǵan jol telimderinde jumystar qolǵa alyndy. Degenmen jeti ýchaske satyp alynǵan joq. Atalǵan ýchaskeler boıynsha sot rásimderi júrgizilýde. Qurylys-montajdaý jumystary osy ýchaskelerdi satyp alý shamasyna qaraı oryndalatyn bolady. Jumystardy tolyq aıaqtaý 2023 jylǵa josparlanǵan», dedi qalalyq mobıldilik basqarmasynyń basshysy
Sondaı-aq Saın kóshesi – Móńke bı kóshesi aıyryǵy jónindegi jobaǵa túzetý engizilip otyr. Bıyl osy jolaıryqta kólik qozǵalysy bastalǵanymen, qosalqy jumystaryn tolyq aıaqtaý 2023 jylǵa josparlanǵan.
Abaı dańǵylynan ótý barysynda bıyl jerústi jaıaý júrginshiler ótkelderin ornatý men abattandyrýdy aıaqtaý josparlanǵan. Sonymen qatar Almaty oblysynyń ákimdigimen birlesip Abaı dańǵylyn ÚAAAJ-ǵa deıin uzartý jumystary bastalady.
Saın kóshesiniń Rysqulov dańǵylynan Móńke bı kóshesine deıingi aralyǵy 3,2 shaqyrymdy quraıdy, uzyndyǵy 1,6 shaqyrym ýchaskeniń daıyndyǵy – 70%. Basqa ýchaskede 67 jer telimin satyp alý qajet bolsa, onyń 54-i satyp alyndy, qalǵan 13 ýchaske boıynsha jumys jalǵasyp jatyr. Qazirgi ýaqytta satyp alynǵan ýchaskelerdi buzý men materıaldardy daıyndaý jumystary júrgizilýde. Bul jumys ta bıylǵy alty aıda atqarylýǵa tıis.
Degenmen Áýezov kóshesin Gogol kóshesinen bastap soltústik baǵytta Gogol kóshesiniń qıylysynda jol tósemi men jabynnyń tómengi qabatyn bitirý, ınjenerlik jelilerdi qaıta ornatý, baǵdarsham salý jumystary oryndaldy.
Ǵ.Myrzahanov Iаsaýı kóshesinen qala shekarasyna deıin batys baǵytta uzyndyǵy 4,5 shaqyrym bolatyn Tóle bı kóshesiniń de qurylysy bastalǵanyn habarlady. Obektiniń qurylysyna bólingen shekaraǵa 270 menshik ıesiniń jyljymaıtyn múlki túsedi, onyń ishinde 29 obekti satyp alyndy, qalǵan 241 ýchaske boıynsha jumys júrgizilip otyr.
Oǵan qosa bıyl Alataý dańǵylynan «Alma Sıtı» TÚK-ke deıin jol jumystaryn bitirý, ınjenerlik jelilerdi qaıta ornatý jumystary da aıaqtalýy kerek. Tolyq aıaqtaý jer ýchaskelerin satyp alý 2023-2024 jyldarǵa josparlanǵan.
ALMATY
