Iаǵnı atqaminer jasqa tolǵan (3 jasqa) ul balaǵa shildehanadan keıingi jasalatyn úlken toılardyń biri – súndet toıy. Halqymyz balany súndetke taq jasynda otyrǵyzǵan. Úsh, bes, jeti, toǵyz jasynda, odan kesh degende on úsh jasynda súndettegen. Degenmen, on úsh jastan keshiktirmeýge tyrysqan. О́ıtkeni barshamyzǵa belgili, sharıǵat boıynsha ul bala on úshinde balıǵat jasyna tolady. Sondyqtan on úshinde otaý ıesi dep eresekter qataryna qosqan.
Qazaq halqy súndetke otyrǵyzylǵan balany «Mine, endi azamat boldyń», dep aǵaıyn-týysty jınap ulan-asyr toı jasaǵan. Bar jaqsyny balalarynyń aldyna qoıatyn halqymyz sábı dúnıege kelgennen bastap ómirinde mańyzdy dep ataǵan kúnderin toıǵa aınaldyrǵan. Mysaly, qursaq toı, shildehana, besik toı, qyrqynan shyǵarý, tusaýkeser jáne súndet toı (ul balalarǵa). Aǵaıyn-týysty jınap súndettelgen balanyń qurmetine jasalǵan toıda, ásirese balanyń naǵashylary úlken ról atqarady. О́ıtkeni qazaqta bala úshin naǵashy jurtynyń orny bólek ekenin jaqsy bilemiz. Balanyń naǵashy jurtynan, ıaǵnı jıenniń naǵashysynan alatyn úlesi bolady.
Islam dininde balany súndetke otyrǵyzý úlken mánge ıe, ári Paıǵambarymyzdyń (s.a.s.) súnnet amalyn jasaý bolyp tabylady. Al halqymyzdyń ǵasyrlar boıy ustanyp kelgen osy bir ıgi dástúrin qazirgi tańda medısına da qýattap, densaýlyqqa paıdaly ekenin dáleldeıdi. Osy taqyryp boıynsha AQSh-ta jıyrmadan astam ǵylymı eńbek jaryq kórgeniniń ózi kóp nárseni ańǵartady.
Qoryta kele aıtqanda, asyl dinimiz ben ata-babalarymyzdyń tazalyqqa qatty mán bergenin, súndetteýdiń er balanyń ómirinde úlken oryn alatynyn jaqsy túsingenin anyq ańǵarýǵa bolady.
Baımuqan TEMIRBEKULY
QOSTANAI
