Kaspersky kompanııasynyń baspasóz qyzmetiniń málimdeýinshe, 2022 jyldyń birinshi toqsanynda Qazaqstanda balalar arasyndaǵy eń tanymal qosymsha YouTube boldy. Onyń úlesine jyldyń alǵashqy úsh aıynda eń tanymal on qosymshada ótkizgen ýaqytynyń 30% tıesili. Úshtikke sonymen qatar WhatsApp jáne TikTok jelileri kirdi. Sarapshylar osyǵan baılanysty kıberqaýipsizdik sharalaryn kúsheıtýdi usynyp otyr.
«Zamanaýı tehnologııanyń paıdaly qyzmetteri balalardyń múddesin jaqsy túsinip, olardy qaýipti aqparattan qorǵaýǵa kómektesedi. Alaıda tehnıkalyq múmkindikterdi qoldanǵan kezde jeke shekara týraly umytpaýymyz kerek. О́ıtkeni, bala – bul kishkentaı tulǵa», deıdi Kaspersky kompanııasynyń Ortalyq Azııadaǵy kommersııalyq dırektory Valerıı Zýbanov.
Endi ata-analar YouTube vıdeohostıngine arnalǵan jańa qyzmet túri arqyly eresekter men balalardyń qandaı beıne kórgenin baqylaı alady.
Atalǵan kompanııa balalardyń jelidegi qaýipsizdgin qamtamasyz etý maqsatynda ata-analarǵa birneshe keńes beredi:
- balalarmen ǵalamtordaǵy ómiri týraly kóbirek sóılesý;
- qupııalylyq týraly kelisimderdi muqııat oqyp shyǵýǵa úıretý;
- qajet bolsa ata-ana baqylaýyna arnalǵan qosymshany ornatý. Biraq balaǵa bul baǵdarlamanyń maqsatyn jáne mundaı sheshimdi qabyldaý sebebin túsindirý qajet.
Saltanat Kenjebaı
