Maqtaaral aýdandyq polısııa bólimine oqýshy qyzdyń anasy júgingen. Onyń aıtýynsha, kámeletke tolmaǵan qyzy úıden tańǵy saǵat 08:00 shamasynda shyǵyp ketken. Ol mektepke kitap ótkizýge ketip, qaıta oralmaǵan. О́zi izdep tappaǵan soń polıseılerden kómek suraǵan. Osy jaıtty estigen boıda polıseıler jedel oqıǵa ornyna jetken. Olar tez arada izdestirý jumystaryn júrgizip, kórgen-bilgenderden jaýap alǵan.
Aqparat kózderi arqyly oqýshynyń Shymkent baǵytyna belgisiz kólikke minip ketkeni anyqtalǵan. Al tártip saqshylary jasóspirimniń din-aman tabylýy úshin izdestirýdi Shymkentte jalǵastyrǵan.
Polıseıler eki kún boıy tyńǵylyqty jumys atqarǵan. Nátıjesinde, 13 jastaǵy qyzdy Shymkentte qydyryp júrgen jerinen tapqan. Qyzdyń ketip qalýyna úıdegi janjal sebep bolǵan.
«Aýdandyq polısııa qyzmetkerlerine qyzymnyń joǵalǵanyn aıtyp, taýyp berýin suraǵan edim. Olar kámelet jasyna tolmaǵan qyzymdy Shymkent qalasynda júrgen jerinen taýyp berdi», deıdi tabylǵan qyzdyń anasy.
Gúldana Elýbaı
