Oblys ákiminiń aıtýynsha, jer máselesimen arnaıy oblystyq komıssııa aınalysyp jatyr.
Qabyldanǵan sharalardyń nátıjesinde jalpy 61 myń gektar jer memleket menshigine qaıtarylyp, 167 myń gektarǵa qatysty materıaldar qaralyp jatyr.
Kezdesý barysynda aýdan turǵyndary egistik, jaılym jerlerdiń joqtyǵyna qatysty suraqtar qoıdy.
«Oblys ákimi qyzmetine kiriskeli beri 12 aýdan men qala turǵyndarymen kezdesý ótkizdim. Osy kezdesýlerde áleýmettik sıpattaǵy 200-den astam problemalyq másele kóterildi. Bul rette árbir aýdanda paıdalanylmaıtyn jer ýchaskeleri, jeke mal jaıatyn jaıylymnyń joqtyǵy týraly aıtyldy. Sońǵy jyldary Uıǵyr aýdanynyń turǵyndary jaıylymdyq jáne turǵyn úı qurylysy úshin jerdiń jetispeýi, aýyl sharýashylyǵy jerlerin konkýrs boıynsha alý, iri sharýashylyqtardyń paıdalanýsyz qalǵan jerlerin qaıtarý máselelerin jıi kóterip júr. Sýarý júıelerin jóndeýde aýdan basshylyǵynyń naqty sharalar qabyldamaýy da narazylyq týdyryp otyr», dedi Qanat Bozymbaev.
Kezdesý qorytyndysy boıynsha aýdan basshylyǵyna tıisti tapsyrmalar júkteldi.
