Referendým • 01 Maýsym, 2022

Halyq úni estilýi tıis

184 ret

kórsetildi

1 mın

oqý úshin

Májilis depýtattarynyń referendýmdy nasıhattaý maqsatynda aımaqtarǵa issapary jalǵasýda. Elimizdegi úshinshi megapolıs – Shymkent qalasyna sapary barysynda Májilis depýtattary Ǵanı Tashqaraev pen Berik Bekjanov Eńbekshi aýdanyna qarasty «Ońtústik» arnaıy ekonomıkalyq aımaǵynda ornalasqan Shymkent qagazy mekemesi qyzmetkerlerimen kezdesti.

Egemen Qazaqstan

Halyq qalaýlylary jınalǵan qaýym aldynda referendýmnyń mán-mańyzyn túsindirdi. «Referendým ár qazaqstandyqqa jeke tańdaýyn jasaýǵa múmkindik beredi. Onyń negizgi máni – memlekettiń basty quqyqtyq qujatyn turǵyndardyń ózderi qabyldaıtyndyǵynda. Daýys berý arqyly halyq óz bolashaǵyn ózi sheshedi», dedi Ǵanı Tashqaraev.

Berik Bekjanovtyń pikirinshe, Ádiletti Qazaqstanǵa qadam búginnen bastalýy kerek. Ár daýystyń mańyzy zor. Sondyqtan elimizdiń barlyq turǵyny saıası naýqanǵa belsene qatysyp, óziniń azamattyq ustanymyn bildirýge tıis.

Depýtattar at basyn burǵan bul mekeme túrli markaly karton qaǵazdar shyǵarýmen aınalysady. Jobaǵa 1,5 mlrd teńge kóleminde ınvestısııa tartylyp, 50 jańa jumys orny ashyldy.

Kásiporyn óz qyzmetinde tabıǵı resýrstardy tıimdi qoldanýdy, qaıtalama shıkizatty óńdeý arqyly ónim óndirýde zııansyz hımııalyq komponentterdi paıdalanýdy basshylyqqa alady. Jaqyn arada kompanııa óz ónimderin TMD, Qytaı jáne Shyǵys Eýropa elderine eksporttaýdy josparlap otyr.