SQO Tótenshe jaǵdaılar departamenti bastyǵynyń orynbasary Dmıtrıı Rastıhınniń dereginshe, jyl bastalǵaly beri óńirde 316 órt bolyp, saldarynan 27 adam, sonyń ishinde 2 bala mert boldy. Taǵy 5 adam jaraqattansa, 13 adam ıisten ýlanǵan. Al, materıaldyq shyǵyn - 266 mln teńgeni qurady.
«О́rttiń basym bóligi – 77%-y jeke turǵyn úı sektorynda bolǵan. Peshti durys qoldanbaý, elektr qondyrǵylaryn ornatý, tehnıkalyq paıdalaný erejelerin saqtamaý jáne otty abaılamaı jaǵýdan. Bıyl maýsym bastalǵaly orman órti kóbeıgen. Byltyr osy ýaqytqa deıin 31,7 ga ormandy alqapta 14 órt tirkelse, bıyl 22 órt shyqty, 725,8 ga alqap zaqymdandy, ıaǵnı 23 ese ósken. Kinálilerdi anyqtaý úshin materıaldar polısııa departamentiniń bólimshelerine berildi», dep atap ótti Dmıtrıı Rastıhın.
Byltyr 34 dala órti tirkelse, bıyl mamandar 45 ret órt sóndirýge barǵan.
«Oblys boıynsha 50 órt sóndirý beketi quryldy. Olar 38 myń turǵyny bar 150 eldi mekendi órtten qorǵap otyr. Budan basqa 400-den astam erikti órtke qarsy qurylymdar bar. Olardyń kómegimen bıyl 28 dala órti der kezinde sóndirildi. Al, 4 órtti osyndaı qurylymdar ózderi sóndirip aldy», dedi vedomstvo basshysynyń orynbasary.
О́rt shyǵý qaýpi joǵary aımaqtardy baqylaýda ustaý úshin SQO ákimdigi men «Qazaqstan Ǵarysh Sapary» UK» AQ 6,5 mln teńgege kelisimshart jasasqan.
Jalpy jyl bastalǵaly beri 408 reıd ótkizilip, 109 adam ákimshilik jaýapkershilikke tartyldy. 63-i eskertý alsa, 46 quqyq buzýshy jalpy somasy 1 mln 355 myń teńge aıyppul tóledi.
