COVID-19 pandemııasy elektr qýatyna, taza otynǵa jáne tamaq pisirý tehnologııalaryna jalpyǵa birdeı qoljetimdilikti baıaýlatty. Ýkraınadaǵy soǵystyń saldary jańa qıyndyqtar týǵyzýy múmkin.
Jaǵdaı ózgermese, 2030 jylǵa qaraı 670 mıllıon adam jaryqsyz qalady dep boljanyp otyr. Bul týraly BUU baıandamasynda aıtylǵan. 2022 jylǵa arnalǵan «Energetıka salasyndaǵy progress týraly» jańa esepti BUU agenttikteri men onyń Turaqty damý maqsattarynyń birine kiretin TDO-7 kýrator-agenttikteri ázirledi.
Pandemııanyń áseri, sonyń ishinde kóptegen dúkenderdiń jabylýy, jahandyq jetkizý tizbeginiń úzilýi jáne azyq-túlik pen janarmaıdyń qoljetimdi baǵasyn ustap turý úshin fıskaldyq resýrstardy qaıta bólý TDO-7-ge jetý qarqynyna áser etti. Progress eń osal jáne energetıka boıynsha artta qalǵan elderde baıaý júrgen. Buryn elektr qýatyna qol jetkizgen Azııa men Afrıkadaǵy 90 mıllıonǵa jýyq adam budan bylaı jaryq qunyn tóleı almaıdy.
Jalpy Afrıka álemde elektr jabdyǵymen az qamtylǵan el bolyp qalyp otyr. Qurlyqtyń 568 mıllıon turǵyny elektr qýatyna qol jetkize almaıdy. Saharanyń ońtústigindegi Afrıkanyń elektr qýatyna qol jetkize almaıtyn halqynyń úlesi 2020 jyly 77%-ǵa deıin ósken.
