«Elimizde 5 maýsymda Konstıtýsııaǵa engiziletin ózgeristerge baılanysty respýblıkalyq referendým ótedi. Osyǵan oraı, Atyraý qalasynda jáne shahar mańyndaǵy eldi mekenderge qatynaıtyn qoǵamdyq kólikterdiń barlyq marshrýtynda jolaýshylar tegin tasymaldanady. Ákimdik pen jolaýshy tasymaldaıtyn kásiporyndardyń ortaq sheshimimen qabyldanǵan bul múmkindikti jas aıyrmashylyǵyna qaramastan qala turǵyndary men qonaqtarynyń bári paıdalana alady», dep málim etti ákimdiktiń baspasóz qyzmeti.
Qazir Atyraý qalasynda birneshe kásiporyn jolaýshylar tasymalymen aınalysady. Onyń ishinde eki avtoparkte 220 avtobýs bar. Máselen, byltyr «Aqjaıyq Avtopark» JShS óz qarjysyna qorshaǵan ortany lastamaıtyn 160 jańa ekoavtobýs satyp alǵan. Metan gazymen júretin avtobýstardyń qozǵalys ýaqyty 7 baǵytta jedeldetildi. Buryn qamtylmaǵan 3 baǵytqa avtobýstar shyǵaryldy. Al, 200-den astam avtobýs múmkindigi shekteýli adamdardyń qajettiligi úshin tolyq beıimdelgen.
