Áńgime barysynda Máýlen Áshimbaev Qazaqstanda júzege asyp jatqan qoǵamdyq-saıası saladaǵy júıeli reformalar týraly aıtyp berdi. Senat Tóraǵasy alǵa qoıylǵan bastamalar elimizdiń qoldanystaǵy saıası júıesin túbegeıli ózgertetinin jáne aýqymdy konstıtýsııalyq reforma júrgizýdi kózdeıtinin atap ótti.
Máýlen Áshimbaev sondaı-aq Konstıtýsııaǵa engizýge usynylǵan negizgi ózgeristerge jáne el damýynyń qazirgi tarıhı kezeńinde referendým ótkizýdiń mańyzdylyǵyna egjeı-tegjeıli toqtala ketti. Senat Tóraǵasy Qazaqstan referendýmdy elimizdiń zańnamasy men halyqaralyq normalarǵa sáıkes ashyq ári aıqyn túrde ótkizýge nıetti ekenin atap ótti.
Kezdesý barysynda Qazaqstannyń EQYU-ǵa qosylǵanyna bıyl 30 jyl tolatyny atap ótildi. Taraptar osyǵan baılanysty syndarly yntymaqtastyqty, onyń ishinde parlamenttik ólshem aıasynda odan ári damytýǵa yqylas bildirdi.
«EQYU Parlamenttik Assambleıasy EQYU-nyń bar keńistiginde qaýipsizdik pen yntymaqtastyqtyń ózekti máselelerin sheshýge járdemdesýde depýtattardyń birlesken jumysy úshin zor áleýetke ıe. Qazaqstandyq parlamentshiler Assambleıa sessııalaryna turaqty negizde qatysyp keledi. Qazaqstan Parlamentiniń Senaty EQYU jáne EQYU Parlamenttik Assambleıasymen belsendi ári syndarly yntymaqtastyqty jalǵastyrýǵa daıyn», dedi Máýlen Áshimbaev.
Kezdesý barysynda Qazaqstan men Polsha arasyndaǵy ekijaqty yntymaqtastyqtyń birqatar ózekti máselelerin qozǵaldy. Taraptar aldaǵy kezeńde elder arasyndaǵy ózara qarym-qatynastardyń nyǵaıýyna senim bildirdi.
