Memleket basshysy Qasym-Jomart Toqaevtyń sóılegen sózderi men aıtqan oılarynan óz basym mynany ańǵaramyn. О́mir bir ornynda turmaq emes, onyń ózgerý qarqyny jyldam. Oǵan ere alǵan, oǵan beıimdele alǵan qoǵam ǵana ózin-ózi saqtap, álemdik taıtalasqa shydas bere alady.
Osydan bir ǵasyr buryn danyshpan Ahmet Baıtursynuly qazaqqa basqamen teń bolýdyń bir-aq joly bar, ol mádenıetti, bilim men ǵylymdy órkendetý, ıaǵnı mádenıetter teńdigi arqyly ǵana táýelsizdikke jetýge bolady degen tujyrymyn aıtqan edi. Elimizdiń táýelsizdigin saqtap, nyǵaıtýǵa baılanysty ǵylymǵa júkteletin eki mindetti bólip aıtý abzal. Olar, birinshiden, elimizdiń tabıǵı baılyqtaryn ıgerýge baǵyttalǵan jańa tehnologııany óristetý. Iаǵnı jańa tehnıka jáne tehnologııany jedel jáne qarqyndy ıgerý ári óristetý arqyly ǵana biz múmkindigi ulan- ǵaıyr atamekenimizge ıe bola alamyz. Basqa jol joq. О́z retinde bizdi osy maqsatqa bastaıtyn kelesi jaǵdaı – ulttyq sananyń kemeldigi. Kásibılik pen ulttyq sana ózara qabysqan jerde ósip-ónýdiń bolary kúmánsiz.
Prezıdenttiń sózinen týyndaıtyn kelesi tujyrym: elimizdegi ǵylym salalaryn jańa suranystarǵa beıimdeı alatyn jańa saladaǵy Ǵylym akademııasy Jańa Qazaqstannyń, Ekinshi Respýblıkanyń ıntellektýaldyq tiregine aınalýǵa mindetti. Al oǵan qajetti alǵyshartty qalyptastyrýdy Úkimet óz mindetine alyp otyr. Iаǵnı jańa suranystardy negizge alyp jańadan qurylǵan Ǵylym ortalyǵy ǵylymǵa degen adaldyqty saqtaý úshin de kúrese alýǵa mindetti. Sonda ǵana ózine artylǵan úmitti aqtaı alady.
Mámbet QOIGELDI,
UǴA akademıgi
