Sportty damytý dıreksııasynyń málimeti boıynsha, keshe mergender stend atýdyń trap jattyǵýynda júldege talasty. Qola medal úshin aralas synda qazaqstandyq Vıktor Hasıanov pen Marııa Dmıtrıenko amerıkalyq jup Derrık Skott Maın men Reıchel Leıenn Tozıerdi 6:4 esebimen jeńip, álem kýbogynda oljaly boldy.
Bul – álemdik syndaǵy Qazaqstan quramasynyń ekinshi júldesi. Osyǵan deıin Islam Ýseınov 10 metrden pnevmatıkalyq myltyqpen nysana kózdeýde úzdik úshtiktiń qatarynan kóringen bolatyn. Qorjynynda eki qola júldesi bar Qazaqstan quramasy jalpykomandalyq esepte 21-orynda tur. Al kósh basynda 3 altyn, 1 qola júldesi bar Ońtústik Koreıa kele jatyr. Ekinshi orynda Serbııa (2 altyn, 1 kúmis pen 1 qola) quramasy tur. Álem kýbogy 7 maýsymǵa deıin jalǵasady.
