Magomed Adıev baptaıtyn jigitter búgin elordada Ázerbaıjan quramasymen jolyǵady. Odan keıin Slovakııa jáne Belarýspen kezdesý kútip tur.
Osyǵan baılanysty oıynshylardyń áleýetin jan-jaqty saraptap, ár matchta táýir nátıje kórseterden jospar qurý kerek deıdi bas bapker. Aıtýly matchtar aldynda quramaǵa 27 oıynshy shaqyrtylyp, qazir sońǵy daıyndyqty pysyqtap jatyr. О́kinshke qaraı, olardyń arasynda Bahtıer Zaınýtdınov, Aıbar Jaqsylyqov, Marat Bystrov sııaqty negizgi fýtbolshylar joq. Soǵan qaramastan, jeńisti qoldan bermeýge tyrysamyz deıdi reseılik maman. Ásirese, óz alańymyzda ótetin matchtarda upaı alyp qalýdy kózdeıdi.
«Komandadaǵy jigitterdiń baby jaqsy. Men olarǵa senemin. Árıne, Zaınýtdınov sııaqty fýtbolshylardyń bolǵany jaqsy edi. Biraq qalǵan oıynshylar da osal emes. Olar aldaǵy matchtarda ózderin jaqsy kórsetip, qazaqstandyq jankúıerlerdi qýantady dep oılaımyn. Ár kezdesýge qatysty arnaıy jospar bar. Kóbine qorǵanysqa den qoıyp, 90 mınýt boıy turaqty oıyn kórsetýge tyrysamyz», dedi Fýtboldan Qazaqstan quramasynyń bas bapkeri Magomed Adıev.
Aıana Toǵanbek
