Oblystyq referendým komıssııasynyń tóraǵasy Erqara Aımaǵambetov usynǵan málimet boıynsha, óńirde asa mańyzdy saıası is-sharaǵa 880 myńnan astam qatysýshy tirkelgen eken.
Referendýmda óziniń tańdaýyn jasaýǵa asyǵa jetken azamattardyń aldyńǵy leginde qashanda belsendilikterimen kózge túsip júretin zeınetkerlermen qatar jastardyń da qatary mol boldy.
Kenshiler mádenıet saraıynda ornalasqan Qaraǵandy qalasynyń №17 ýchaskesine erte kelip daýys bergen turǵynnyń biri zeınetker Altaı Oralbaev boldy. Qarııa salamatty ómir saltyn ózine serik etken jannyń biri bolyp shyqty. Kúnige tańerteń dene shynyqtyrý jattyǵýlaryn jasap turady eken.
«Búgin men jurttan buryn kelip daýys berdim. Barsha turǵyndar úshin azamattyq ustanymnyń mańyzy óte zor dep sanaımyn. Elimizdiń bolashaǵy bizge baılanysty», deıdi zeınetker.
Altaı Orazbaev daýys bergen №17 ýchaskede referendýmda óz tańdaýyn jasaýǵa nıet bildirgen turǵyndardyń sany 2082 eken.
Oblystyq referendým komıssııasy daýys berý barysyn partııalar men qoǵamdyq birlestikterdiń baıqaýshylary baqylaıtynyn atap ótti.
