Alǵashqylardyń biri bolyp óz tańdaýyn jasaǵandardyń qatarynda Jarkent qalasynyń 100 jasaǵan turǵyny Zeınelhan Ospanova da bar. Asyl áje ertemen referendým ýchaskesine kelip, daýys berdi.
12 qursaq kótergen altyn alqa ıegeri sanaly ǵumyryndaǵy barlyq saıası naýqandarǵa belsendi qatysyp keledi. Ásirese sońǵy 30 jyldaǵy barlyq saılaý men referendým esinde qalǵanyn aıtady. Referendým ýchaskesiniń músheleri ǵasyr jasaǵan áje árkez jastarǵa úlgi bolyp, memlekettiń irgesin nyǵaıtý baǵytyndaǵy ózgeristerge qatysýǵa tyrysatynyn aıtyp otyr. Dástúr boıynsha alǵashqy daýys bergen adamǵa estelik syılyq tabystaldy.
