«Men memlekettiń bolashaǵyna, saıası turaqtylyqqa jáne demokratııaǵa daýys berdim. Geosaıası jaǵdaı tyǵyryqqa tirelip turǵan kezde, saıası turaqtylyq memlekettiń bolashaǵy úshin mańyzdy», dedi O. Súleımenov.
Qazaqtyń aqıyq aqyny aıtyp ótkendeı, qazaq qoǵamy bul saıası naýqanǵa úlken daıyndyqpen keldi. Kezdesýler, ártúrli baǵyttaǵy pikirler qoǵamdyq sanaǵa salmaq saldy. Bul qubylys halyqqa aqıqattyń ara jigin aıyryp alýǵa múmkindik berdi. Referendýmǵa daıyndyq barysynda jastardyń belsendilik tanytýy aqynnyń kóńilinen shyqqan.
O. Súleımenov aıtyp ótkendeı, jastardyń múmkindigine men belsendiligine kóz jumyp qaraýǵa bolmaıdy.
«Bizdiń negizgi saılaýshylar aýdıtorııasy jáne daýys beretin adamdar jastar bolǵandyqtan, biz olarǵa erekshe kóńil bólemiz. Jańa Qazaqstanǵa – jastar kerek. Jastarymyz referendýmda belsendilik tanytady dep senemin», dep atap ótti O.Súleımenov.
