№42 tirkeý ýchaskesine arnaıy ótinish bergen Gúlsim Ahmetjanova – I top múgedegi. Elimizdegi mańyzdy is-sharada óz erkimen azamattyq tańdaýyn jasady.
«Osy ýaqytqa deıin kóp jyl dáriger bolyp jumys istedim. Qazir densaýlyǵym máz emes. Biraq referendým kúni 5 maýsym dep belgilengende joldasyma ótinish jazýdy tapsyrdym. Sebebi daýys berýden qalys qalǵym kelmedi. Osylaısha, úıdiń qasyndaǵy №42 ýchaske komıssııasy arqyly daýys berip otyrmyn», dedi ol.
2019 jyldan beri aýyryp, kórý qabileti nasharlaǵan Bıfatıma Baýyrjanova da óz tańdaýyn jasaǵanyna qýanyp otyr.
«Buryn muǵalim bolyp qyzmet ettim. Búgingi is-shara halyq úshin mańyzdy. Sol úshin arnaıy komıssııaǵa ótinish jazdyq. Daýys bergenime qýanyshtymyn. Elimizde tynyshtyq bolǵaı!» dedi ol.
