Merzimdi qyzmettiń áskerı qyzmetshilerine jáne áskerı oqý oryndarynyń kýrsanttaryna áskerı bólimder men mekemelerdiń aýmaǵynda daýys berý múmkindigi berildi. Osy maqsatta áskerı bólimder men gospıtaldardaǵy ýchaskeler arnaıy jabdyqtaldy.
«Respýblıkalyq referendým – halyqtyń óz erkin bildirýiniń eń demokratııalyq tásili. Onyń elimiz úshin tarıhı mańyzyn aıtyp jetkize almaımyn. Bıyl 18 jasqa toldym. Men áskerde alǵash ret daýys berýge qatysyp turmyn. Árbir daýys Qazaqstandaǵy turaqtylyqqa yqpal etetinine senimdimin. Sondyqtan referendýmǵa qatysýdy ózimniń azamattyq paryzym dep bilemin», dedi Jambyl oblysynan desanttyq-shabýyl quramasyna shaqyrylǵan merzimdi qyzmettegi qatardaǵy jaýynger Ersultan Dosbol.
Aıta ketsek, Konstıtýsııaǵa ózgerister engizý jónindegi referendýmda barlyǵy 130 myńnan astam áskerı qyzmetshi, qarýly kúshterdiń azamattyq personaly men olardyń otbasy músheleri de daýys berdi.
