«Ortalyq referendým komısssııasy saǵat 20.00-degi jaǵdaı boıynsha elimizdiń 12 óńirinde jáne 12 sheteldik ýchaskede daýys berý aıaqtalǵanyn habarlaıdy.
Oblystardyń, respýblıkalyq mańyzy bar qalalardyń jáne astananyń aýmaqtyq komıssııalary usynǵan shuǵyl derekteri boıynsha azamattardyń referendýmǵa qatysýy týraly mynadaı statıstıka bar: Aqmola oblysy – 73,81, Aqtóbe oblysy – 55,90, Almaty oblysy – 72,83, Atyraý oblysy – 62,45, Batys Qazaqstan oblysy – 65,49, Jambyl oblysy – 69,59, Qaraǵandy oblysy – 77,39, Qostanaı oblysy – 72,28, Qyzylorda oblysy – 75,02, Mańǵystaý oblysy - 59,14, Pavlodar oblysy – 75,53, Soltústik Qazaqstan oblysy – 75,49, Túrkistan oblysy – 80,66, Shyǵys Qazaqstan oblysy – 77,49, Nur-Sultan qalasy – 57,06, Almaty qalasy – 32,25, Shymkent qalasy – 72,53 paıyz. Jalpy, elimiz boıynsha referendýmǵa qatysý múmkindigi jáne quqyǵy bar azamattardyń tizimine 11 732 699 adam engizilgen bolatyn. 7 936 655 azamat bıýlleten aldy. Bul - daýys berý tizimine engizilgen azamattardyń 67,65 paıyzy», dedi Muhtar Erman.
Onyń atap ótýinshe, azamattardyń daýys berýge kelýine qatysty aldyn ala qorytyndy aqparat Aqtóbe, Atyraý, Batys Qazaqstan, Mańǵystaý jáne Qyzylorda oblystarymen birge saǵat 22.00-de beriledi.
