Búgingi jalpyhalyqtyq referendým barysyn baıandaıtyn marafonda Bas prokýratýra ókili Azamat Serǵazın saıası naýqanǵa daıyndyq pen daýys berý barysynda quqyq buzý áreketteri baıqalmaǵanyn aıtyp ótti.
«Osy sátte daýys berý nátıjesine áser etetin quqyq buzý faktileri bolǵan joq. Áleýmettik jelilerde referendým ýchaskelerinde daýys berý týraly ártúrli habarlamalar taraǵanyn kórdik. Tekserý kezinde olardyń kóbi rastalmady. Áli de tekserý júrip jatyr. Búgin prokýratýra organdaryna azamattardan 6 ótinish kelip tústi. Onyń bireýi - Bas prokýratýraǵa, sondaı-aq ShQO men BQO jáne Aqtóbe oblystyq prokýratýrasyna baǵyttaldy», deıdi Azamat Serǵazın.
