«31-arnanyń» tapsyrysy boıynsha «Qoǵamdyq pikir» ınstıtýty 5 maýsym kúni 600 saılaý ýchaskelerinen shyǵa beriste azamattarǵa Exit poll saýalnama júrgizdi. Onyń 360-y qalada, 240-y aýylda uıymdastyryldy.
Saýalnama respýblıkalyq mańyzy bar qalalar, oblys ortalyqtary, shaǵyn qalalar, aýyldy eldi mekenderdi qamtydy. Saýalnamaǵa 24 myń respondent qatysty. Respondentterge «Siz Konstıtýsııaǵa túzetýler engizýdi qoldadyńyz ba, álde qarsy daýys berdińiz be?» degen bir ǵana suraq qoıyldy.
«Konstıtýsııaǵa túzetýler engizýge qoldaý bildirgen respondentter 74,8 paıyzdy, al qarsy bolǵandar 25,2 paıyzdy qurady. Exit poll nátıjesi boıynsha referendýmge qatysýshylar 70,1 paıyzdy qurady», delingen zertteýde.
