«Gaz salasy – memlekettik bıýdjetti tolyqtyrý kózderiniń biri. Osyǵan oraı ekonomıka men áleýmettik salada mańyzdy strategııalyq máni bar ekeni túsinikti. Qazirgi ýaqytta búkil álemde tıimdi energetıkalyq resýrs jáne asa qundy energetıkalyq shıkizat retinde tabıǵı gazǵa degen qyzyǵýshylyq artyp otyr», dep atap ótti depýtat.
Balaıym Kesebaeva atap ótkendeı, neǵurlym ekologııalyq taza otyn retinde de tabıǵı gaz elimizdiń otyn energetıkalyq teńgeriminiń qurylymynda ústemdikke ıe.
«Búgingi is-sharamyzdyń maqsaty – gaz salasynyń qazirgi jaı-kúıin taldaý. Onyń ishinde óńirlerdi gazben qamtamasyz etýdegi negizgi problemalar men táýekelderdi aıqyndaý. Olardy sheshý jónindegi sharalar men usynymdar daıyndalady. Qazirgi ýaqytta gaz salasyn damytýdy josparlaýdyń júıeli tásilin qoldaný asa ózekti bolyp otyr. Bul táýekelderdi azaıtyp, básekege qabilettilikti arttyrýǵa múmkindik beredi», deıdi Parlament Májilisi tóraǵasynyń orynbasary Úkimet saǵatynda.
Májilis depýtaty Úkimet eldiń gaz salasyn tıimdi damytýdy qamtamasyz etý jóninde shuǵyl sharalar qabyldaý qajettiligin málimdedi.
Arýjan Amangeldi
