«Gaz jobalaryna arnalǵan yntalandyrý sharalary arqyly elimizdiń resýrstyq bazasyn tolyqtyrý týraly másele ótkir bolyp tur. Qazir resýrstyq bazany keńeıtý úshin Qashaǵan ken ornynda gaz óńdeý zaýytynyń 1-kezeńin úsh kezekpen (1, 2 jáne 6 mlrd tekshe metr) salý boıynsha jumys júrgizilip jatyr. Ol 2030 jylǵa qaraı taýarlyq gazdyń ósimin 6,2 mlrd tekshe metrden asyrýǵa múmkindik beredi», dedi mınıstr.
Bolat Aqsholaqovtyń aıtýynsha, 2021 jylǵy maýsymnan bastap qýaty 1 mlrd tekshe metr jobanyń birinshi kezeńi boıynsha qurylys-montajdaý jumystary belsendi túrde júrgizilip jatyr. Birinshi kezeńdi 2024 jyldyń basynda iske qosý josparlanyp otyr.
«GО́Z-derdi salý Qashaǵan jobasynyń 2-fazasynda pysyqtalyp otyr, ol munaı óndirisin táýligine 400 myń tonnadan 700 myń tonnaǵa deıin ósirýge múmkindik beredi. Buǵan qosa, mınıstrlik fıskaldyq preferensııalar berý arqyly resýrstyq bazany jańa gaz jobalary úshin keńeıtýdi yntalandyrý boıynsha jan-jaqty jumys júrgizip jatyr», dedi ol.
Mınıstr gaz jobalaryna salyqtyń bosatý túrindegi fıskaldyq jeńildikter jasalatynyn habarlady. Atap aıtqanda, óndirý bastalǵan kúnnen bastap 10 jylǵa KTS-ten bas tartý, óndirý bastalǵan kúnnen bastap 10 jylǵa EKB-dan bas tartý jáne jer qoınaýyn paıdalanýǵa balamaly salyqqa aýysý quqyǵyn berý.
Bul sharalar 2030 jylǵa qaraı taýarlyq gazdyń resýrstyq bazasyn 6,7 mlrd tekshe metrge deıin ulǵaıtýǵa múmkindik beredi.
Arýjan Amangeldi
