Bıdaı eksportyna shekteý ystyq aýa raıynyń bıdaı eginine áser etýine baılanysty jasalǵan. Úndistan iri bıdaı eksporttaýshy bolmasa da, bul qadam álemdik naryqty alańdatyp otyr. Úndistannyń Saýda mınıstri Pııýsh Goıaldyń aıtýynsha, eksportqa tyıym salý álemdik naryqqa áser etpeý kerek. О́ıtkeni Úndistan bıdaıdyń negizgi eksporttaýshysy emes.
Atalǵan elde bıdaıdyń keıbir túrleriniń baǵasy birneshe kún boıy kóterilip, 17-18 mamyrda sharyqtaý shegine jetken.
«Úndistandaǵy shekteý baǵanyń odan ári ósýine ákeldi. О́ıtkeni jahandyq satyp alýshylar Qara teńiz aımaǵynan eksport tómendegennen keıin Úndistanǵa táýeldi boldy», dedi Gro Intelligence aýylsharýashylyq derekterin zertteý tobynyń qyzmetkeri Kellı Gofarı.
Úndistan bıdaı óndirý boıynsha dúnıejúzinde ekinshi orynda. Shekteý jarııalanǵanǵa deıin atalǵan el eksportty ulǵaıtýdy kózdep, bıyl rekordtyq deńgeıde 10 mıllıon tonna bıdaı jóneltti. Bul kórsetkish byltyrǵymen salystyrǵanda 2 mıllıon tonnaǵa kóp.
Gúldana Elýbaı
